ଚନ୍ଦ୍ରାୟନ-୩ର ସଫଳତା ପାଇଁ ସାଧୁସନ୍ଥଙ୍କ ଯଜ୍ଞ, ଲକ୍ଷ୍ନୌରେ ନମାଜ ପାଠ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ଇତିହାସ ରଚିବ ଇସ୍ରୋ । ଆରମ୍ଭ ହୋଇଗଲାଣି କାଉଣ୍ଟ ଡାଉନ । ଅଗଷ୍ଟ ୨୩ ସନ୍ଧ୍ୟା ୬ଟା ୪ ସାରା ବିଶ୍ୱ ଦେଖିବ ଭାରତୀୟ ମହାକାଶ ବୈଜ୍ଞାନିକଙ୍କ ସଫଳତା । ଚନ୍ଦ୍ରୟାନ-୩କୁ ନେଇ ଉତ୍ସାହିତ ପଲ୍ଲୀରୁ ଦିଲ୍ଲୀ । ସଫଳତାର ସହ ହେଉ ସଫ୍ଟ ଲ୍ୟାଣ୍ଡିଂ ସେଥିପାଇଁ ଜାତି ଧର୍ମ ବର୍ଣ୍ଣ ନିିର୍ବିଶେଷରେ ପ୍ରତିଟି ଭାରତୀୟ କରୁଛନ୍ତି ପ୍ରାର୍ଥନା । ସେ ରାଚନେତା ହୁଅନ୍ତୁ କି ବୈଜ୍ଞାନିକ, ସାଧାରଣ ଲୋକ ହୁଅନ୍ତୁ କି ସେଲିବ୍ରେଟି ସମସ୍ତଙ୍କ ମୁହଁରେ ଚନ୍ଦ୍ରୟାନ-୩ର କଥା ।

ଏ ଦୃଶ୍ୟ ଦେଖନ୍ତୁ ପ୍ରୟାଗରାଜରେ ଚାଲିଛି ପ୍ରାର୍ଥନା ଓ ଯଜ୍ଞ । ଏ ପୂଜାର୍ଚ୍ଚନା ଚନ୍ଦ୍ରାୟନ-୩ର ସଫଳତା କାମନା କରି । ସେହିଭଳି ବାରଣାସୀରେ ବି ପୂଜାର୍ଚ୍ଚନା କରୁଛନ୍ତି ସାଧୁସନ୍ଥ । ଏପଟେ ଲକ୍ଷ୍ନୌ ଇସଲାମିକ ସେଣ୍ଟର ଅଫ ଇଣ୍ଡିଆ ମସଜିଦରେ ସମବେତ ହେଇଥିଲେ ମୁସଲମାନ ସମ୍ପ୍ରଦାୟର ବ୍ୟକ୍ତିମାନେ । ଚନ୍ଦ୍ରାୟନ-୩ର ସଫ୍ଟ ଲ୍ୟାଣ୍ଡିଂ ପାଇଁ ଆଲ୍ଲାଙ୍କୁ କରିଛନ୍ତି ପ୍ରାର୍ଥନା ।