ଦୁର୍ନୀତି ଓ ଭ୍ରଷ୍ଟାଚାର ବିରୁଦ୍ଧରେ ବିଜେପିର ଗଣଧାରଣା

ଚାନ୍ଦବାଲି (ବଡ଼ ଖବର ବ୍ୟୁରୋ): ଜଳେଶ୍ୱର ପୁର ପଞ୍ଚାୟତ ଏବଂ ଚାନ୍ଦବାଲି ଏନଏସିରେ ବିଜେଡିର ଦୁର୍ନୀତି ଓ ଭ୍ରଷ୍ଟାଚାର ବିରୁଦ୍ଧରେ ବିଜେପିର ଗଣଧାରଣା । ଏନଏସି ଅଫିସ ଆଗରେ ରାଜ୍ୟ ସରକାରଙ୍କ ବିରୁଦ୍ଧରେ ବିଭିନ୍ନ ସ୍ଲୋଗାନ ଏବଂ ନାରାବାଜି ଦେବା ପରେ ଅଫିସ ଆଗରେ ଧାରଣାରେ ବସିଥିଲେ ।

ଚାନ୍ଦବାଲି ବ୍ଲକରେ ଚାଲିଥିବା ପ୍ରଧାନମନ୍ତ୍ରୀ ଆବାସ ଯୋଜନା,ସ୍ୱଚ୍ଛଭାରତ ମିଶନରେ ମିଳୁଥିବା ପାଇଖାନାରେ ମହଘୋଟାଲା,ମୁକ୍ତା ଯୋଜନାରେ ବ୍ୟାପକ ଅନିୟମିତତା, ରାସନକାର୍ଡ ଦୁର୍ନିତୀ,ସ୍ମାର୍ଟ ପାର୍କ,ନେହେରୁ ପାର୍କ,ସ୍ମାର୍ଟ ମଶାଣୀ, ମଶାଣୀ ସୌନ୍ଦର୍ୟ୍ୟକରଣ ନାଁରେ କୋଟି କୋଟି ଟଙ୍କା ହରିଲୁଟ,ଚାନ୍ଦବାଲିରେ ହୋଲଟିଂ ଟିକସରେ ବ୍ୟାପକ ଅନିୟମିତତା, ସ୍ୱଚ୍ଛତା ନାଁରେ ହରିଲୁଟ, ଗୋଚର ଜମିକୁ ବେଆଇନ ଦଖଲ, ଶିକ୍ଷାୟତନରେ ଅତି ସମ୍ବେଦନଶୀଳ ନିର୍ମାଣ ନାଁ ଦଳୀୟ ପାଣ୍ଠି ଗଠନ କରିବା ଆଦି ସମସ୍ୟାକୁ ନେଇ ବିଜେପି ପକ୍ଷରୁ ଦିଆଯାଇଥିବା ଧାରଣା ଆଜି ଜଳେଶ୍ୱରପୁର ଏବଂ ଚାନ୍ଦବାଲି ଏନ ଏ ସି ରେ ଧାରଣା ଶାନ୍ତିପୂର୍ଣ ଭାବେ ଅନୁଷ୍ଠିତ ହୋଇଯାଇଛି ବିଜେପିର ବହୁ କର୍ମକର୍ତା ଏହି ଧାରଣାରେ ଯୋଗ ଦେଇଛନ୍ତି ।