ଡେଲ୍ଟା ଭାରିଆଣ୍ଟ ବିରୋଧରେ ଅଧିକ ପ୍ରଭାବଶାଳୀ କୋଭାକ୍ସିନ୍

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତ ବାୟୋଟେକ ଓ ଆଇସିଏମଆର୍ ଦ୍ୱାରା ପ୍ରସ୍ତୁତ କୋଭାକ୍ସିନ୍ ଟିକା ଡେଲ୍ଟା ଭାରିଆଣ୍ଟ ବିରୋଧରେ ପ୍ରଭାବଶାଳୀ ବୋଲି ଅଧ୍ୟୟନରୁ ଜଣାପଡ଼ିଛି । ଏନେଇ ତଥ୍ୟ ପ୍ରକାଶ କରିଛି ଆମେରିକାର ସ୍ୱାସ୍ଥ୍ୟ ଗବେଷଣା ଅନୁଷ୍ଠାନ । ଏନଆଇଏଚର ଅଧ୍ୟୟନ ଅନୁସାରେ, କୋଭାକ୍ସିନ୍ ନେଇଥିବା ଲୋକଙ୍କ ବ୍ଲଡ୍ ସେରମରୁ ଜଣାପଡ଼ିଛି ଏହା ଆଣ୍ଟିବଡି ସୃଷ୍ଟି କରୁଛି ।

ବ୍ରିଟେନ୍ ଓ ଭାରତରେ ଚିହ୍ନିତ କୋଭିଡ୍ ଭାରିଆଣ୍ଟ ଈ.୧.୧.୭ , ଈ.୧.୬୧୭ ବିରୋଧରେ କୋଭାକ୍ସିନ୍ ପ୍ରଭାବ ଦେଖାଉଛି । କୋଭାକ୍ସିନର ଦ୍ୱିତୀୟ ପର୍ଯ୍ୟାୟ ଟ୍ରାଏଲ୍ ତଥ୍ୟ ଅନୁସାରେ କୋଭାକ୍ସିନ୍ ସୁରକ୍ଷିତ ଅଟେ । କୋଭାକ୍ସିନର ତୃତୀୟ ପର୍ଯ୍ୟାୟ ଡାଟା ଚଳିତବର୍ଷ ଶେଷ ଆଡ଼କୁ ଆସିପାରେ । ଲକ୍ଷଣ ଥିବା ରୋଗୀଙ୍କ କ୍ଷେତ୍ରରେ କୋଭାକ୍ସିନ୍ ୭୮ ପ୍ରତିଶତ ପ୍ରଭାବୀ କୁହାଯାଉଥିବା ବେଳେ ଏହା ମେଡିକାଲ ଆଡମିଶନରୁ ଶହେ ପ୍ରତିଶତ ବଞ୍ଚାଇଥାଏ । ସେହିଭଳି ଲକ୍ଷଣ ନଥିବା ବ୍ୟକ୍ତିଙ୍କ ଠାରେ କୋଭାକ୍ସିନ୍ ୭୦ ପ୍ରତିଶତ ପ୍ରଭାବୀ କୁହାଯାଉଛି ।