ଦେଶର ଉନ୍ନତି ଲାଗି ପ୍ରାର୍ଥନା କରିଛନ୍ତି ‘ଅକ୍ଷୟ କୁମାର’

ନୂଆଦିଲ୍ଲୀ(ବଡ଼ ଖବର ବ୍ୟୁରୋ); ହିନ୍ଦୀ ସିନେମା ଜଗତର ଦମଦାର କଳାକର ଅକ୍ଷୟ କୁମାରଙ୍କର ଆଜି ହେଉଛି ୫୬ତମ ଜନ୍ମଦିନ ।ନିଜର ୫୬ତମ ଜନ୍ମଦିନ ପାଳନ ଅବସରରେ ଉଜ୍ଜୟିନୀ ପହଞ୍ଚିଥିଲେ ଅକ୍ଷୟ କୁମାର । ପରିବାର ସହିତ ଭଗବାନଙ୍କ ଦର୍ଶନ କରି ମହାକାଳେଶ୍ୱରଙ୍କର ଭଷ୍ମ ଆରତୀରେ ସାମିଲ ହୋଇଥିଲେ ।ତାଙ୍କ ସହ ସେଠାରେ ସାମିଲ ଥିଲେ କ୍ରିକେଟର ଶିଖର ଧୱନ । କ୍ରିକେଟର ଶିଖର ଧୱନଙ୍କ ସହ ଭଗବାନ ମହାକାଳଙ୍କ ଭଷ୍ମ ଆଳତୀରେ ସାମିଲ ହୋଇ ଭାରତୀୟ ଟିମର ବିଜୟ ଏବଂ ଦେଶର ଉନ୍ନତି ଲାଗି ଅକ୍ଷୟ କୁମାର ପ୍ରାର୍ଥନା କରିଛନ୍ତି । ଗୋଟିଏ ବର୍ଷରେ ୩ରୁ ୪ଟି ଫିଲ୍ମ କରିବାକୁ ନେଇ ଅକ୍ଷୟ କୁମାର ଖୁବ ଚର୍ଚ୍ଚାରେ ଥାନ୍ତି । ତେବେ ଆଗକୁ ତାଙ୍କର ‘ବଡ଼େ ମିଆଁ ଛୋଟେ ମିଆଁ,’ ‘ହେରାଫେରି ୩,’ ‘ୱେଲକମ ୩’ ଭଳି ତିନୋଟି ଧମାକାଦାର ସିନେମା ଆସିବାର ସୂଚନା ମିଳିଛି ।