ଭୁବନେଶ୍ୱର (ବଡ଼ ଖବର ବ୍ୟୁରୋ): ଶୂନ୍ୟକାଳରେ ଶାସକ ବିରୋଧୀ ମୁହାଁମୁହିଁ । ଗୃହରେ ପୂରା ସରଗରମ ସ୍ଥିତି । ମୁଖ୍ୟମନ୍ତ୍ରୀଙ୍କ ବିରୋଧରେ ବିରୋଧୀଙ୍କ ସ୍ୱାଧୀକାର ଭଙ୍ଗ ନୋଟିସ । ସୋମବାର ଦେଇଥିବା ବିବୃତିରେ ଜନବିରୋଧୀ ଶବ୍ଦକୁ ନେଇ ଆପତ୍ତି । ବିରୋଧୀଙ୍କ ଦାବି ଆମକୁ ଜନବିରୋଧୀ କହିଥିବାରୁ ମୁଖ୍ୟମନ୍ତ୍ରୀ କ୍ଷମା ମାଗନ୍ତୁ । ମୁଖ୍ୟମନ୍ତ୍ରୀଙ୍କୁ ନେଇ ବିରୋଧୀ ଦଳ ନେତା ଉଠାଇଦେଲେ ବଡ଼ ପ୍ରଶ୍ନ ।
ଯାହାର ଜୋରଦାର ବିରୋଧ କଲେ ସଂସଦୀୟ ବ୍ୟାପାର ମନ୍ତ୍ରୀ । ବିରୋଧୀ ଦଳର ନେତାଙ୍କ ବିରୋଧରେ ସ୍ୱାଧୀକାର ଭଙ୍ଗ ଆଣିବି । ଗୃହର ବାଚସ୍ପତିଙ୍କ ପୋଡିୟମ ଆଗରେ ଉଭୟ ଶାସକ ବିରୋଧୀଙ୍କ ହଙ୍ଗାମା ।ଜୟ ନାରାୟଣଙ୍କ ବିବୃତି ଗୃହର ବିବରଣୀରୁ ବାଦ । ଗଣମାଧ୍ୟମରେ ଏହା ନ ଯିବାକୁ ବାଚସ୍ପତିଙ୍କ ନିର୍ଦ୍ଦେଶ । ଗୃହ ୪ଟା ଯାଏ ମୁଲତବି ।
