ମାସେ ପରେ ଧରା ପଡିଲେ ଲୁଟେରା

ବଲାଙ୍ଗିର, (ବଡ଼ ଖବର ବ୍ୟୁରୋ) : ଶେଷରେ ଧରା ପଡିଲେ ଲୁଟେରା। ଘଟଣାର ଗୋଟିଏ ମାସ ପରେ ଲୁଟେରାଙ୍କୁ ଗିରଫ କରିବାରେ ସକ୍ଷମ ହୋଇଛି ପୋଲିସ । ଗିରଫ ଲୁଟେରାମାନେ ହେଲେ ବିଜାଖମନର ଜ୍ୟେଷ୍ଠ ନାଗ, ମେଘୁ ଓରଫ୍ ସାରଥୀ ଜାଲ ଓ ରିଙ୍କୁ, ଦୀପ । ସେମାନଙ୍କ ନିକଟରୁ ଲୁଟ୍ କରିଥିବା ୧୫୦୦ ଟଙ୍କା ଓ ୩ ଟି ମୋବାଇଲ ଜବତ କରିଛି ସଦର ଥାନା ପୋଲିସ ।
ସୂଚନା ଅନୁସାରେ, ଗତ ମାସ ୨୦ରେ ଦୁଇ ବରିଷ୍ଠ ନାଗରିକ ପ୍ରତାପ ଚନ୍ଦ୍ର ଆଚାର୍ୟ୍ୟ ଓ ଯୁଗଳ କିଶୋର ଝା କମାକ୍ଷୀନଗରରୁ ସହରକୁ ଫେରୁଥିଲେ। ଫେରିବା ସମୟରେ ରାସ୍ତାରେ ୩ ଜଣ ଲୁଟେରା ତାଙ୍କୁ ଆକ୍ରମଣ କରିଥିଲେ । ସେମାନଙ୍କ ଠାରୁ ୧୫୦୦ ଟଙ୍କା ଓ ୩ଟି ମୋବାଇଲ ଲୁଟି ନେଇଥିଲେ। ଏନେଇ ଅଭିଯୋଗ ପରେ ସଦର ପୋଲିସ କେସ ନମ୍ବର ୨୯୬ ଧାରା ୩୯୪ରେ ଏକ ମାମଲା ରୁଜୁ କରିଥିଲେ ।
ଲୁଟେରାଙ୍କୁ ଧରିବା ପାଇଁ ବଲାଙ୍ଗିର ଏସ୍ପିଙ୍କ ନିର୍ଦ୍ଦେଶରେ ସଦର ଥାନା ପକ୍ଷରୁ ଏକ ଟିମ୍ ଗଠନ କରାଯାଇଥିଲା। ସଦର ଥାନା ଅଧିକାରୀ ତୋଫାନ ବାଗଙ୍କ ନେତୃତ୍ୱରେ ଗଠିତ ଏହି ଟିମ୍ ୩ଲୁଟେରାଙ୍କୁ ଧରିବାରେ ସଫଳ ହୋଇଛି । ଏଥିସହ ଲୁଟ୍ ୧୫୦୦ ଟଙ୍କା ସହ ୩ଟି ମୋବାଇଲ ଜବତ କରିଥିବାବେଳେ ଗିରଫ ୩ଲୁଟେରାଙ୍କୁ କୋର୍ଟ ଚାଲାଣ କରାଯାଇଛି। ତେବେ ଏମାନଙ୍କ ନାମରେ ଟ୍ରକ୍ ଚୋରି କେସ ମଧ୍ୟ ରହିଥିବା ସଦର ଥାନା ଅଧିକାରୀ ତୋଫାନ ବାଗ ସୂଚନା ଦେଇଛନ୍ତି।