ଡମ୍ପରରୁ ପୁଣି ୧୬ ଷଣ୍ଢ ଉଦ୍ଧାର

ବସ୍ତା(ବଡ଼ ଖବର ବ୍ୟୁରୋ; ଜାତୀୟ ରାଜପଥରେ ପୁଣି ଗୋ ଦଲାଲମାନେ ସକ୍ରିୟ ହୋଇପଡ଼ିଛନ୍ତି।ଆଜି ସକାଳ ସମୟରେ ବସ୍ତା ଥାନା ୧୬ ନମ୍ବର ଜାତୀୟ ରାଜପଥର ଗାନ୍ଧିଛକ ଛକ ନିକଟରେ ଏକାଧିକ ନମ୍ବର ଥିବା ଡମ୍ଫର ବାଲେଶ୍ୱରରୁ ପଶ୍ଚିମବଙ୍ଗକୁ ଗୋଚାଲାଣ ହେଉଥିଲା। ସ୍ଥାନୀୟ ଅଂଚଳର କିଛି ଯୁବକ ମାନେ ଉକ୍ତ ଡମ୍ପରଟିକୁ କାବୁ କରି ସେଥିରୁ ୧୬ଟି ଷଣ୍ଢ ଉଦ୍ଧାର କରିଥିବା ବେଳେ ଚାଳକ ଓ ଖଲାସୀ ଡମ୍ପର ଛାଡ଼ି ଘଟଣା ସ୍ଥଳରୁ ଫେରାର୍ ହୋଇଯାଇଛନ୍ତି।

ସୂଚନା ଅନୁସାରେ ଉକ୍ତ ଏକାଧିକ ନମ୍ବର ଥିବା ଡ଼ମ୍ପରରେ ଗୋଚାଲାଣ ହେଉଥିବା ଜାଣିବାକୁ ସ୍ଥାନୀୟ ଅଂଚଳ କିଛି ଯୁବକ ମାନେ ପିଛାକରି ଗାନ୍ଧିଛକ ନିକଟରେ କାବୁ କରିଥିଲେ।ଚାଳକ ଓ ଖଲାସୀ ଘଟଣା ସ୍ଥଳରୁ ଫେରାର୍ ହୋଇଯାଇଥିଲେ। ଖବର ପାଇ ଜାତୀୟ ରାଜପଥ ପେଟ୍ରୋଲିଙ୍ଗ ଭ୍ୟାନ ଘଟଣା ସ୍ଥଳରେ ପହଂଚି ତଦନ୍ତ ଜାରୀ ରଖିଥିବା ବେଳେ ବସ୍ତା ପୋଲିସ ଘଟଣା ସ୍ଥଳରେ ଉକ୍ତ ଡ଼ମ୍ପର ଥିବା ୧୬ ଟି ଷଣ୍ଢ କୁ ଉଦ୍ଧାର କରି ବାଲେଶ୍ୱର ସ୍ଥିତ ବାମପଦା ଗୋଶାଳା ରେ ଛାଡ଼ିଛି ।