ଗାଜାର ଅଲ୍ ସିଫା ହସ୍ପିଟାଲ ପରିସରରେ ୫୫ ମିଟରର ସୁଡ଼ଙ୍ଗ ଠାବ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗାଜାର ଅଲ୍ ସିଫା ହସ୍ପିଟାଲ ପରିସରରେ ୫୫ ମିଟରର ସୁଡ଼ଙ୍ଗ ଠାବ । ହସ୍ପିଟାଲର ୧୦ ମିଟର ତଳେ ୫୫ ମିଟର ଲମ୍ବର ସୁଡ଼ଙ୍ଗ ଠାବ । ସ୍ୱତନ୍ତ୍ର ଅପରେସନ୍ ସମୟରେ ଇସ୍ରାଏଲ୍ ପ୍ରତିରକ୍ଷା ବାହିନୀ ସୁଡଙ୍ଗକୁ ଠାବ କରିଛନ୍ତି। ଏହା ଆତଙ୍କବାଦୀଙ୍କ ସୁଡଙ୍ଗ ବୋଲି ଆଇଡିଏଫ୍ ଦାବି କରିଛି। ଆଇଡିଏଫ୍ ଇଞ୍ଜିନିୟରମାନେ ସ୍ୱତନ୍ତ୍ର ଅପରେସନ୍ କରିବା ସମୟରେ ୧୦ ମିଟର ଗଭୀରରେ ଏକ ସୁଡଙ୍ଗ ଠାବ କରିଛନ୍ତି, ଯାହା ୫୫ ମିଟର ପର୍ୟ୍ୟନ୍ତ ବ୍ୟାପିଛି।

ଇସ୍ରାଏଲ୍ ସୈନ୍ୟବାହିନୀକୁ କମାଣ୍ଡ ସେଣ୍ଟର୍ ଏବଂ ହାମାସର ଭୂତଳକୁ ପ୍ରବେଶ ନକରାଇ ଦେବା ପାଇଁ ହାମାସ୍ ଆତଙ୍କବାଦୀ ସଂଗଠନ ଏହି ସୁଡଙ୍ଗ କରିଥିବା ଆଇଡିଏଫ୍ ଏକ ବିବୃତ୍ତିରେ କହିଛି। କିନ୍ତୁ ସୁଡଙ୍ଗ ବାହାରେ କଣ ରହିଛି, ତାହା ପ୍ରକାଶ କରିନି ଆଇଡିଏଫ୍ । ଗାଜା ଷ୍ଟ୍ରିପରେ ଥିବା ଅଲ୍‌ ଶିଫା ହସ୍ପିଟାଲରେ ଇସ୍ରାଏଲ ସୈନିକମାନଙ୍କ ଦ୍ୱାରା ସାମରିକ କାର୍ଯ୍ୟାନୁଷ୍ଠାନ ଜାରି ରହିଛି। ଇସ୍ରାଏଲ ଦାବି କରିଛି ହମାସ ସିଫା ହସ୍ପିଟାଲର ରୋଗୀଙ୍କୁ ମାନବ ଢାଲ ଭାବରେ ବ୍ୟବହାର କରୁଛି।