ଚାନ୍ଦବାଲିରେ ବିଜେପି-ବଜେଡି ମୁହାଁମୁହିଁ

ଚାନ୍ଦବାଲି (ବଡ଼ ଖବର ବ୍ୟୁରୋ): ଚାନ୍ଦବାଲି ରାଜନୀତି ଏବେ ସରଗରମ । ଚାନ୍ଦବାଲିରେ ବିଜେପି-ବିଜେଡି ମୁହାଁମୁହିଁ ହୋଇଛନ୍ତି । ବିଜେପି କାର୍ଯ୍ୟକ୍ରମକୁ ବିଜେଡି କାଉଣ୍ଟର କରିଥିବା ବେଳେ ବିଜେଡି କାର୍ଯ୍ୟକ୍ରମକୁ କାଉଣ୍ଟର କରିଛି ବିଜେପି । ଚଳିତ ମାସ ୨୪ତାରିଖ ଦିନ ବିଜେପି ଜନଆକ୍ରୋଶ କାର୍ଯ୍ୟକ୍ରମ ମାଧ୍ୟମରେ ଚାନ୍ଦବାଲି ବ୍ଲକ ଘେରାଉ କରିଥିଲା । ବ୍ଲକ ଘେରାଉ ବେଳେ କିଛି ବିଜେପି କର୍ମୀ ବ୍ଲକ ପରିସରରେ ଭଙ୍ଗାରୁଜା ମଧ୍ୟ କରିଥିଲେ । ଏହାକୁ ବିରୋଧ କରି ଆଜି ଚାନ୍ଦବାଲି ବିଜୁ ଛାତ୍ର ଜନତା ଦଳ ଓ ବିଜୁ ଯୁବ ଜନତା ଦଳ ପକ୍ଷରୁ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ କୁଷ ପୁତ୍ତଳିକା ଦାହ କରାଯାଇଛି ।

ଅନ୍ୟପଟେ ଦେଖୁବାକୁ ଗଲେ ଚାନ୍ଦବାଲି ବିଜେପି ଦଳ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ବିଜୁ ଜନତା ଦଳ ଚାନ୍ଦବାଲି ବ୍ଲକରେ ସମସ୍ତ କାର୍ଯ୍ୟ ଅତି ନିମ୍ନ ମାନର କରିଥିବା ସହ ଚନ୍ଦବାଲି ବ୍ଲକରେ ପିସି ଭାଗ ବଣ୍ଟାକୁ ନେଇ ବିଜେଡି ଦଳ ସାମିଲ ଥିବାରୁ ଆଜି ନିଜର ମାନ ରଖିବାକୁ ରାଜ୍ୟ ବିଜେପି ରାଜ୍ୟ ସଭାପତିଙ୍କ କୁଷ ପୁତ୍ତଳିକା ଦାହ କରିଛନ୍ତି । ଏହି ଘଟଣାକୁ ନେଇ ସାମ୍ବାଦିକ ସମ୍ମିଳନୀ ମାଧ୍ୟମରେ ବିଜେପି ପ୍ରତିକ୍ରିୟା ମଧ୍ୟ ରଖିଛି ।