ମହୁମାଛି ଆକ୍ରମଣରେ ଛାତ୍ରଛାତ୍ରୀ ଗୁରୁତର

କେନ୍ଦୁଝର (ବଡ଼ ଖବର ବ୍ୟୁରୋ): ମାଟ୍ରିକ ପରୀକ୍ଷାର୍ଥୀ ମହୁମାଛି ଆକ୍ରମଣର ଶିକାର । ଆକ୍ରମଣରେ ୭ ଛାତ୍ରଛାତ୍ରୀ ସହ ଜଣେ ଶିକ୍ଷକ ଗୁରୁତର । ଏଭଳି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ହରିଚନ୍ଦନପୁର ସ୍ଥିତ ବାଳିକା ହାଇସ୍କୁଲରେ । ପରୀକ୍ଷା ଦେବାକୁ ଯିବା ସମୟରେ ୩୦ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଓ ଜଣେ ଶିକ୍ଷକ ମହୁମାଛି ଆକ୍ରମଣର ଶିକାର ହୋଇଛନ୍ତି।

ଆଜି ସକାଳେ ୧୦ମ ଶ୍ରେଣୀର ଛାତ୍ରଛାତ୍ରୀମାନେ ହରିଚନ୍ଦନପୁର ସ୍ଥିତ ବାଳିକା ହାଇସ୍କୁଲ ପରୀକ୍ଷା କେନ୍ଦ୍ରକୁ ଯାଉଥିବା ବେଳେ ହଠାତ ମହୁମାଛିମାନେ ଆକ୍ରମଣ କରିଥିଲେ। ଆକ୍ରମଣ ପରେ ଛାତ୍ରଛାତ୍ରୀ ମାନେ ହରିଚନ୍ଦନପୁର୍ ମେଡିକାଲରେ ପ୍ରାଥମିକ ଚିକିତ୍ସିତ ହୋଇ ପରୀକ୍ଷା ଦେଇଥିଲେ । ତେବେ ଆକ୍ରମଣ ପରେ ପରିକ୍ଷାର୍ଥୀମାନେ ଭୟଭୀତ ଅଛନ୍ତି ।