ଚିନ୍ତା ବଢାଉଛି ମହାମାରୀ ଡାଇରିଆ

ରାଉରକେଲା (ବଡ଼ ଖବର ବ୍ୟୁରୋ) ଚିନ୍ତା ବଢ଼ାଇଲାନି ଡାଇରିଆ । ରାଉରକେଲାରେ ବଢୁଛି ଡାଇରିଆ ରୋଗୀଙ୍କ ମୃତ୍ୟୁ ସଂଖ୍ୟା । ଚଳିତ ମାସ ୧୦ ତାରିଖରୁ ଆଜି ପର୍ଯ୍ୟନ୍ତ ୧୪୪ ଜଣ ରୋଗୀ ଚିହ୍ନଟ ହେବା ସହ ରାଉରକେଲା ସରକାରୀ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ରୋଗୀ ସଂଖ୍ୟା ବଢିବା ସହ ମୃତୁ ସଂଖ୍ୟା ୭ରେ ପହଞ୍ଚିଛି । ଅନ୍ୟ ଜଣେ ମୃତକ ହେଉଛନ୍ତି, ସେକ୍ଟର ୨୧ର ସରୋଜିନୀ ଖଣ୍ଡାଇତ । ସରକାରୀ ହସ୍ପିଟାଲରେ କେବଳ ୧୦୦ରୁ ଅଧିକ ରୋଗୀ ଚିକିତ୍ସାଧୀନ ଥିବା ଜଣାପଡିଛି । ଦିନକୁ ଦିନକୁ ସ୍ଥିତି ବିଗୁଡ଼ୁଥିବାରୁ ସଂକ୍ରମଣ ରୋକିବାକୁ ତତ୍ପର ହୋଇଛି ଉଭୟ ଜିଲ୍ଲା ପ୍ରଶାସନ ଓ ସ୍ୱାସ୍ଥ୍ୟ ବିଭାଗ । ରାଉରକେଲା ମହାନଗର ନିଗମ ପକ୍ଷରୁ ୧୨ଟି ସ୍ୱାସ୍ଥ୍ୟଟିମ୍ ଗଠନ କରାଯାଇଛି । ଚିକିତ୍ସିତ ହଉଥିବା ବ୍ୟକ୍ତି ମାନଙ୍କୁ ଦଳୀୟ ନେତା ମାନେ ଆସି ଭେଟିଛନ୍ତି । ସୁନ୍ଦରଗଡ଼ ଜିଲ୍ଲାପାଳ ମଧ୍ୟ ନିଜେ ତଦନ୍ତ କରିଛନ୍ତି ।