ପୂର୍ବତନ ସିଡିଏମଓଙ୍କୁ ଛୁରାମାଡ଼

ଭଦ୍ରକ (ବଡ଼ ଖବର ବ୍ୟୁରୋ): ପୂର୍ବତନ ସିଡିଏମଓଙ୍କୁ ଛୁରାମାଡ଼ । ଲୁଟ ଉଦ୍ଦେଶ୍ୟରେ ଘରେପଶି ଛୁରାମାଡ଼ କରି ଫେରାର ହୋଇଗଲେ ଦୁବୃର୍ତ୍ତ । ଭଦ୍ରକ ସହରର ଚାରିଘରିଆ ଅଞ୍ଚଳରେ ଲୁଟେରାଙ୍କ ଆତଙ୍କ ଦେଖିବା ପାଇଁ ମିଳିଛି । ଅବସରପ୍ରାପ୍ତ ଡାକ୍ତର ତଥା ଯାଜପୁର ଜିଲ୍ଲାର ପୂର୍ବତନ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ରଘୁନାଥ ପାଢ଼ୀଙ୍କ ଘରୁ ଲୁଟ ଉଦ୍ୟମ ଅସଫଳ ହେବାରୁ ତାଙ୍କୁ ଛୁରାମାଡ଼ କରିଛନ୍ତି ଦୁବୃର୍ତ୍ତ । ରଘୁନାଥ ପାଢ଼ୀଙ୍କ ଦେହରେ ୭ ରୁ ଅଧିକ ସ୍ଥାନରେ ଆଘାତ ଲାଗିଛି । ଯୋଗ କରିବା ପାଇଁ ଛାତକୁ ଯାଉଥିବା ବେଳେ ହଠାତ ଆକ୍ରମଣ କରିଥିଲେ ଲୁଟେରା । ତେବେ ପୂର୍ବରୁ ମଧ୍ୟ ସେହି ଅଂଚଳରେ ବହୁଥର ଲୁଟ ହୋଇଛି ।