ସାହିଯାତରେ ବୁଲିଲା ବନ୍ଧୁକ

ପୁରୀ (ବଡ଼ ଖବର ବ୍ୟୁରୋ): ସାହିଯାତରେ ବୁଲିଲା ବନ୍ଧୁକ। ଯୁବକ କାବୁ କରି ପୋଲିସରେ ଜିମା ଦେଲେ ସ୍ଥାନୀୟ ଯୁବକ । ପୁରୀ ହରଚଣ୍ଡୀ ସାହି ହନୁମାନ ଗଡଠାରେ ଘଟିଛି ଏଭଳି ଘଟଣା। ଗିରଫ ଅଭିଯୁକ୍ତର ପରିଚୟ ମିଳିନାହଁ । ତଦନ୍ତ ପରେ ସମ୍ପୂର୍ଣ୍ଣ ତଥ୍ୟ ଦିଆଯିବ ବୋଲି କହିଛି ପୋଲିସ। ଗତକାଲି ସାହିଯାତ ରାମଲୀଳା ଅବସରରେ ରାବଣ ବଦ୍ଧ ନୀତି ଚାଲିଥିଲା ।

ହନୁମାନ ଗଡ଼ ଠାରେ ମେଢ଼ ନୃତ୍ୟ ଚାଲିଥିବା ବେଳେ ଜଣେ ଯୁବକ ଜଣକ ଜୋର ଜବରଦସ୍ତ ସେହି ବାଟ ଦେଇ ସ୍କୁଟିରେ ଯିବା ପାଇଁ ଉଦ୍ୟମ କରିଥିଲେ। ସାହିଯାତ ପାଇଁ ପ୍ରବଳ ଭିଡ ଥିବାରୁ ବାଲିସାହିର କିଛି ଯୁବକମାନେ ତାଙ୍କୁ ଅଟକାଇବା ସହ ଅଲଗା ରାସ୍ତା ଦେଇ ଯିବାକୁ କହିଥିଲେ। ତେବେ କିଛି ବୁଝିବା ପୂର୍ବରୁ ସମ୍ପୃକ୍ତ ଯୁବକ ଜଣକ ବନ୍ଧୁକ ବାହାର କରି ଅଟକାଇ ଥିବା ଯୁବକମାନଙ୍କ ମୁଣ୍ଡରେ ଲଗାଇ ମାରିଦେବାକୁ ଧମକ ଦେଇଥିଲା।