ଜିଲ୍ଲାପାଳଙ୍କୁ ଆମ୍ବୁଲାନ୍ସ ସଂଘର ଦାବିପତ୍ର

ପୁରୀ (ବଡ଼ ଖବର ବ୍ୟୁରୋ):ଜିଲ୍ଲାବ୍ୟାପୀ ୧୦୮ ଆମ୍ବୁଲାନ୍ସ ଡ୍ରାଇଭରଙ୍କ ଦାବିପତ୍ର । ୧୦୮ ଆମ୍ବୁଲାନ୍ସ ଡ୍ରାଇଭର ମାନେ ବିଭିନ୍ନ ଦାବି ନେଇ ପୁରୀ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି । ବାର୍ଷିକ ଦରମା ବୃଦ୍ଧି, ବିଶ୍ରାମଗାର ସୁବିଧା ଭଳି ଅନେକ ଦାବିନେଇ ଦାବିପତ୍ର ପ୍ରଦାନ କରାଯାଇଛି । ଅନେକ ସମୟରେ ୧୦୮ ଆମ୍ବୁଲାନ୍ସର କର୍ମଚାରୀ ଲୋକମାନଙ୍କ ଦ୍ବାରା ଆକ୍ରମଣର ଶିକାର ହେଉଛନ୍ତି ।

ଏନେଇ ସ୍ଵତନ୍ତ୍ର ଦଣ୍ଡବିଧାନ ସହ ଦୋଷୀମାନଙ୍କ ପ୍ରତି ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଆଦି ଦାବି କରିଛି ସଂଘ । ୧୦୮ ଆମ୍ବୁଲାନ୍ସ କର୍ମୀଙ୍କ ଆକସ୍ମିକ ମୃତ୍ୟୁ ହେଲେ ଅନୁକମ୍ପା ରାଶି ୨୦ଲକ୍ଷ ଟଙ୍କା ଓ ଆକ୍ରମଣ ହେଲେ ୧୦ଲକ୍ଷ ଦିଆଯିବା ଦାବି କରିଛନ୍ତି ୧୦୮ ଆମ୍ବୁଲାନ୍ସ ସଂଘ ।