https://youtu.be/XxxAy895OXM
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନିର୍ବାଚନ ପାଇଁ ପ୍ରସ୍ତୁତ ହେଉଛନ୍ତି ସମସ୍ତ ରାଜନୈତିକ ଦଳ । ହେଲେ ଏହାରି ମଧ୍ୟରେ ଆସିଛି ଏକ ବଡ଼ ଖବର । ଆପକୁ ଲାଗିଛି ଝଟକା । ଦଳକୁ ବାଏ ବାଏ କରିଛନ୍ତି ଜଣେ ବଡ଼ ନେତା । ଗତମାସରେ ଗୁଜୁରାଟର ଜଣେ ବିଧାୟକ ଦଳ ଛାଡିଥିଲେ । ଆଉ ଏବେ ଛତିଶଗଡ଼ରେ ଲାଗିଛି ଏକ ବଡ଼ ଝଟକା । ଛତିଶଗଡ଼ ରାଜ୍ୟ ସଭାପତି କୋମଲ ହୁପେଣ୍ଡି ଦଳରୁ ଇସ୍ତଫା ଦେଇଛନ୍ତି । ୬ ଜଣ ପର୍ୟ୍ୟବେକ୍ଷକଙ୍କ ସହିତ କୋମଲ ଦଳ ଛାଡ଼ିଛନ୍ତି ।
ଗତ ଡିସେମ୍ବର ମାସ ୧୩ ତାରିଖରେ ଗୁଜରାଟ ବିଧାନସଭାର ଆପ ବିଧାୟକ ଭୂପତ ଭାୟାଣୀ ନିଜ ପଦରୁ ଇସ୍ତଫା ଦେଇଥିଲେ । ଦଳର ଶୀର୍ଷ ନେତୃତ୍ୱ ଉପରେ ଅସନ୍ତୋଷ ଜାହିର କରି ଏହି ନେତାମାନେ ଇସ୍ତଫା ଦେଇଥିବା କୁହାଯାଉଛି । ‘ଇଣ୍ଡିଆ’ ମହାମେଣ୍ଟ ସହିତ ବୁଝାମଣା କାରଣରୁ ଗତ ନଭେମ୍ବର-ଡିସେମ୍ବର ମାସରେ ସମାପ୍ତ ହୋଇଥିବା ରାଜ୍ୟ ବିଧାନସଭା ନିର୍ବାଚନରେ ଦଳକୁ ବହୁତ କ୍ଷତି ସହିବାକୁ ପଡ଼ିଥିଲା । ଆପରେ ସାମିଲ ହୋଇ କିଛି ନେତା ସମାଜ ପାଇଁ କିଛି କରିବାକୁ ଚାହୁଁଥିଲେ । ଛତିଶଗଡ଼ରେ ଆପ ଦୁର୍ବଳ ସ୍ଥିତିରେ ଥିଲା । ମାତ୍ର ନେତାମାନେ କଠିନ ପରିଶ୍ରମ କରି ସଂଗଠନକୁ ମଜବୁତ କରିଥିଲେ ।
