ମହାନବମୀରେ ଚଣ୍ଡିପାଠ
କଟକ (ବଡ଼ ଖବର ବ୍ୟୁରୋ): କଟକ ସଦର ଅଞ୍ଚଳରେ ୫୦ରୁ ଉର୍ଦ୍ଧ୍ଵ ପୂଜା ମଣ୍ଡପରେ ମା’ ଦୁର୍ଗାଙ୍କ ମୃଣ୍ମୟ ମୂର୍ତ୍ତୀ ପୂଜା ପାଉଛନ୍ତି । ଆଜି ମା’ଙ୍କ ମହାନବମୀ ପୂଜା ଅନୁଷ୍ଠିତ ହେଉଛି । ସକାଳ ୬.୦୫ ରୁ ୬.୨୨ ମଧ୍ୟେ ମହାନବମୀ ପୂଜା ଅନୁଷ୍ଠିତ ହୋଇଥିଲା । ପରେ ସପ୍ତଶତୀ ଚଣ୍ଡିପାଠ, ଆହୂତି, ପୁଷ୍ପାଞ୍ଜଳି ଓ କୁମାରୀ ପୂଜା କରାଯାଇଥିଲା । ବିଭିନ୍ନ ପୂଜା ମଣ୍ଡପରେ ମା’ଦୁର୍ଗା, ଶିବ ପାର୍ବତୀଙ୍କ ସହିତ ଲକ୍ଷ୍ମୀ ନାରାୟଣ ମୃଣ୍ମୟ ମୂର୍ତ୍ତି ବି ପୂଜା ପାଇଛନ୍ତି । ନୂଆପଡ଼ା, ଗୋପାଳପୁର, ତେଲେଙ୍ଗା ପେଣ୍ଠ, ଡ଼ାହାଳିଅ , ପ୍ରତାପ ନଗରୀ, ଭାଣପୁର, ବାଲିକୁଦା, ୪୨ ମୌଜା, କନ୍ଦରପୁର ଏବଂ କିଶନନଗର ଆଦି ଅଞ୍ଚଳରେ ୫୦ରୁ ଉର୍ଦ୍ଧ୍ଵ ମୃଣ୍ମୟ ମୂର୍ତ୍ତି ପୂଜା ପାଉଛନ୍ତି । କୋଭିଡ୍ ନିୟମ ଅନୁଯାୟୀ ପୂଜା ଚାଲିଥିବା ଦେଖିବାକୁ ମିଳିଛି ।