ଟ୍ରେନ୍ ଆଗକୁ ପୁଅ-ଝିଅଙ୍କୁ ଠେଲି ବାପାର ଆତ୍ମହତ୍ୟା

ଲକ୍ଷ୍ମୀପୁର (ବଡ଼ ଖବର ବ୍ୟୁରୋ): ଟ୍ରେନ୍ ଆଗକୁ ପୁଅ ଓ ଝିଅଙ୍କୁ ଠେଲି ବାପା ଟ୍ରେନରେ ଆତ୍ମହତ୍ୟା କରିବା ଘଟଣା କୋଟାପୁର ଜିଲ୍ଲା ଲକ୍ଷ୍ମୀପୁର ଥାନା ସିଙ୍ଗରାମ ରେଳ ଷ୍ଟେସନ ନିକଟରେ ଘଟିଛି । ରେଳଧାରଣାରୁ ରେଳବାଇ ପୋଲିସ ୩ ମୃତଦେହ ଉଦ୍ଧାର କରି ତଦନ୍ତ ଚଳାଇଛି ।

ସକାଳ ପ୍ରାୟ ୯ଟା । ସିଙ୍ଗରାମ ରେଳ ଷ୍ଟେସନ ନିକଟରେ ପହଞ୍ଚିଥିଲେ ପୁଡାପାଡି ଗାଁ କେଶବ ସୁବୁଦ୍ଧି । ସାଙ୍ଗରେ ଥିଲେ ୧୨ ବର୍ଷର ଝିଅ ଓ ୫ ବର୍ଷର ପୁଅ । କିଛି ସମୟ ପରେ ଆସିଥିଲା ଏକ ମାଳବାହୀ ଟ୍ରେନ୍ । ହଠାତ୍ ପୁଅ ଓ ଝିଅଙ୍କୁ ଟ୍ରେନ୍ ଆଗକୁ ଠେଲି କେଶବ ହେଉଁପଡିଥିଲେ । ଟ୍ରେନ୍ ଚକତଳେ ବାପା, ପୁଅ ଓ ଝିଅ କଟିଯାଇଥିଲେ । ପାରିବାରିକ କଳହକୁ କେନ୍ଦ୍ରକରି କେଶବ ଏଭଳି ଚରମ ନିଷ୍ପତ୍ତି ନେଇଥିବା କୁହାଯାଉଛି । ଘଟଣାସ୍ଥଳରେ ଆରପିଏଫ ଓ ଲକ୍ଷ୍ମୀପୁର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।