ପୁରୀ (ବଡ଼ ଖବର ବ୍ୟୁରୋ): କାକଟପୁରକୁ ଏନଏସି ଘୋଷଣା ନକରିବା ପ୍ରତିବାଦରେ ବିଜେପି ତରଫରୁ ୧୨ ଘଣ୍ଟିଆ ବନ୍ଦ ଡାକରା । ନିକଟରେ ରାଜ୍ୟ ସରକାର ୩୫ ଟି ଏନଏସି ଘୋଷଣା କରିଥିବା ବେଳେ ପୁରୀ ଜିଲ୍ଲା କାକଟପୁର ପ୍ରତି ରାଜ୍ୟ ସରକାର କ୍ରମାଗତ ଭାବେ ବୈମାତୃକ ମନୋଭାବ ପୋଷଣ କରୁଥିବା ବିଜେପି ଅଭିଯୋଗ କରିଛି।
ଆଜି କାକଟପୁର ବିଜେପି ପକ୍ଷରୁ କାକଟପୁର କୁ ଏନଏସି ମାନ୍ୟତା ଦାବିରେ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଭୁ ପ୍ରସାଦ ତରାଇଙ୍କ ନେତୃତ୍ବରେ ଶତାଧିକ ବିଜେପି କର୍ମୀ ଓ ନେତା ସାମିଲ ହୋଇ ବିଜେପି କାର୍ଯ୍ୟାଳୟ ସମ୍ମୁଖରେ ଏନଏସି ଘୋଷଣା ଦାବିରେ ନାରାବାଜି ଦେଇଥିଲେ। ତେବେ କାକଟପୁରକୁ ନୂତନ ଏନଏସି ମାନ୍ୟତା ଦିଆ ନଗଲେ ଆଗାମୀ ଦିନରେ ଆନ୍ଦୋଳନ ତୀବ୍ରତାର ହେବ ବୋଲି ଚେତାବନୀ ଦେଇଛି ବିଜେପି ।
