ଭୂପେନ୍ଦ୍ର ପଟେଲ ହେବେ ଗୁଜରାଟର ନୂଆ ମୁଖ୍ୟମନ୍ତ୍ରୀ

ଗୁଜରାଟ(ବଡ଼ ଖବର ବ୍ୟୁରୋ): ବହୁ କଳ୍ପନାଜଳ୍ପନା ପରେ ଶେଷରେ ଗୁଜରାଟ ମୁଖ୍ୟମନ୍ତ୍ରୀଙ୍କ ନାମ ଘୋଷଣା କରାଯାଇଛି । ତେବେ ଭୂପେନ୍ଦ୍ର ପଟେଲ ହେଲେ ଗୁଜରାଟର ନୂତନ ମୁଖ୍ୟମନ୍ତ୍ରୀ । ବିଜୟ ରୂପାଣୀଙ୍କ ଇସ୍ତଫା ପରେ ଗୁଜରାଟର ନୂଆ ମୁଖ୍ୟମନ୍ତ୍ରୀ କିଏ ହେବ, ସେନେଇ ଚର୍ଚ୍ଚା ଜୋର ଧରିଥିଲା । ଏହା ସହ ଅନେକ ନେତାଙ୍କ ନାମ ମଧ୍ୟ ସାମ୍ନାକୁ ଆସିଥିଲା । ଏହା ମଧ୍ୟରେ ଆଜି ଅପରାହ୍ନରେ ନୂତନ ମୁଖ୍ୟମନ୍ତ୍ରୀଙ୍କୁ ନେଇ ସମସ୍ତ ବିଧାୟକଙ୍କ ସହିତ ବୈଠକ ହୋଇଥିଲା । ଶେଷରେ ଭୂପେନ୍ଦ୍ର ପଟେଲଙ୍କ ନାମଙ୍କୁ ମୁଖ୍ୟମନ୍ତ୍ରୀ ପଦ ପାଇଁ ଘୋଷଣା କରାଯାଇଥିଲା ।

ଅପରପକ୍ଷରେ ଭୁପେନ୍ଦ୍ର ପଟେଲ ଗୁଜରାଟର ଘାଟଲୋଡିଆ ବିଧାନସଭା ନିର୍ବାଚନମଣ୍ଡଳୀରୁ ନିର୍ବାଚିତ ପ୍ରତିନିଧି। ସେ କଂଗ୍ରେସ ଦଳର ଶଶିକାନ୍ତ ପଟେଲଙ୍କ ବିରୋଧରେ ୧,୧୭,୦୦୦ ଭୋଟ ବ୍ୟବଧାନରେ ଜିତିଥିଲେ। ଏହି ଆସନକୁ ୟୁପି ରାଜ୍ୟପାଳ ତଥା ଗୁଜରାଟର ପୂର୍ବତନ ସିଏମ ଆନନ୍ଦିବେନ ପଟେଲ ଧରିଥିଲେ। ପଟେଲ ଅତୀତରେ AUDA (ଅହମ୍ମଦାବାଦ ସହରାଞ୍ଚଳ ବିକାଶ ପ୍ରାଧିକରଣ) ଚେୟାରମ୍ୟାନ୍ ଭାବରେ କାର୍ଯ୍ୟ କରିଥିଲେ ଏବଂ ଅହମଦାବାଦ ମୁନିସିପାଲର୍ଟି କର୍ପୋରେସନର ଷ୍ଟାଣ୍ଡିଂ କମିଟିର ସଭାପତି ମଧ୍ୟ ରହିଆସିଥିଲେ।