ଛତିଶଗଡ଼ରେ ଏନକାଉଣ୍ଟର, ଜଣେ ନକ୍ସଲ ମୃତ

ରାଇଘର (ବଡ଼ ଖବର ବ୍ୟୁରୋ): ଛତିଶଗଡ଼ରେ ଏନକାଉଣ୍ଟର ଜଣେ ନକ୍ସଲ ମୃତ । ନବରଙ୍ଗପୁର ଜିଲ୍ଲା ରାଇଘର ବ୍ଲକ ସୀମାନ୍ତ ଛତିଶଗଡ଼ର କାଙ୍କେର ଡିଆର୍ଜି ଏବଂ ବିଏସଏଫର ମିଳିତ ଅପରେସନରେ ଜଣେ ନକ୍ସଲର ମୃତ୍ୟୁ ଘଟିଥିବା ଜଣାପଡିଛି । କାଙ୍କେର୍ ଜିଲ୍ଲା ଅନ୍ତର୍ଗତ କୋଏଲିବେଡ଼ା ଥାନା ଚିଲପାରାସ୍ କ୍ୟାମ୍ପରୁ ଉଭୟ ଟିମ୍ ସର୍ଚ ଅପରେସନରେ ବାହାରି ଥିଲେ । ଅପରେସନ ସମୟରେ ପୋଲିସ ଫୋର୍ସ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଗୁଳି ବିନିମୟରେ ଜଣେ ୟୁନିଫର୍ମ ନକ୍ସଲାଇଟର ମୃତ୍ୟୁ ଘଟିଥିଲା । ଏଥିସହିତ ତା ନିକଟରୁ ଏସ୍ଟି ଷ୍ଟେନ୍ ଗନ୍ ଓ କିଛି ବିସ୍ଫୋରକ ସାମଗ୍ରୀ୍ୱ ମଧ୍ୟ ଜବତ କରାଯାଇଛି । ପୋଲିସ ଫୋର୍ସ, ବିଏସ୍ଏଫ୍ ଓ ଡିଆରଜି ଦ୍ୱାରା ଆଖପାଖ ଅଞ୍ଚଳରେ ଅପରେସନ୍ ଜାରି ରହିଛି ।