ମାମୁଁ ଘର ଗାଁରେ ଭଣଜାର ଉନ୍ମତ୍ତକାଣ୍ଡ, ଟାଙ୍ଗିଆ ଧରି ଗ୍ରାମବାସୀଙ୍କୁ କଲେ ଆକ୍ରମଣ
ଚାନ୍ଦବାଲି (ବଡ଼ ଖବର ବ୍ୟୁରୋ): ମାମୁଁ ଘରକୁ ବୁଲି ଆସିଥିବା ଭଣଜାର ଉନ୍ମତ୍ତକାଣ୍ଡ । ଗାଁ ଦାଣ୍ଡରେ ଟାଙ୍ଗିଆ ଧରି ଯାହାକୁ ପାଇଲା ତାକୁ ମାରିବାକୁ ଗୋଡାଇଲା । ଯୁବକର ଟାଙ୍ଗିଆ ଚୋଟରେ ଦୁଇ ଜଣ ଗ୍ରାମବାସୀ ଆହତ ହୋଇଥିବା ବେଳେ ଯୁବକକୁ କାବୁ କରିବାକୁ ଯାଇଥିବା ଚାନ୍ଦବାଲି ପୋଲିସ ମଧ୍ୟ ଆହତ ହୋଇଛନ୍ତି । ଯୁବକ ଜଣଙ୍କ ହେଲେ ବାସୁଦେବପୁର ଅଂଚଳର ଭୀମସେନ ନାୟକ । ଭୀମସେନ ପୋଲିସକୁ ଛାଡ଼ି ନଥିଲା ।
ପୋଲିସ ଗାଡିକୁ ଟାଙ୍ଗିଆରେ ଆକ୍ରମଣ କରିଥିଲେ । ଖାଲି ସେତିକି ନୁହେଁ ଆହତ ହୋଇଥିବା ଲୋକଙ୍କୁ ମେଡିକାଲ ନେବାକୁ ଆସିଥିବା ଆମ୍ବୁଲାନ୍ସର କାଚ ଭାଙ୍ଗିବା ସହିତ ଆମ୍ବୁଲାନ୍ସ କର୍ମଚାରୀମାନଙ୍କୁ ଆକ୍ରମଣ କରିବାକୁ ପଛାଇ ନଥିଲା । ଯୁବକକୁ କାବୁ କରିବା ପାଇଁ ଚାନ୍ଦବାଲି ପୋଲିସକୁ ନାକେଦମ ହେବାକୁ ପଡିଥିଲା ବହୁ କଷ୍ଟରେ ପୋଲିସ ଉକ୍ତ ଯୁବକକୁ କାବୁ କରି ଚାନ୍ଦବାଲି ଥାନାକୁ ଆଣିଥିଲା। ଭୀମସେନ ଜଣେ ମାନସିକଗ୍ରସ୍ତ ବୋଲି ଜଣାପଡିଛି । ସେ ମାମୁଁ ଘର ଭଦ୍ରକ ଜିଲ୍ଲା ଚାନ୍ଦବାଲି ଥାନା ନାଲଗୁଣ୍ଡା ପଳାସପୁର ଗାଁ ଆସିଥିଲା।
