ବକେୟା ପାଉଣା ଦାବିରେ ଶ୍ରମିକଙ୍କ ଧାରଣା

ସୁକିନ୍ଦା, (ବଡ଼ ଖବର ବ୍ୟୁରୋ): ବକେୟା ପାଉଣା ପାଇଁ କାର୍ଯ୍ୟରତ ଶ୍ରମିକଙ୍କ ଧାରଣା । ଯାଜପୁର ଜିଲ୍ଲା ସୁକିନ୍ଦା କାଳିଆପାଣି ଥାନା ଅଞ୍ଚଳରେ ଥିବା ବାଲେଶ୍ୱର ଅଲୋଏଜ୍ ଖଣି ସାମ୍ନାରେ ଶ୍ରମିକମାନେ ଧାରଣା ଦେଇଛନ୍ତି। ବର୍ଷ ଧରି ବାଲେଶ୍ୱର ଆଲୋଏଜରେ କାମ କରୁଥିବା ୧ ହଜାରୁ ଅଧିକ ଶ୍ରମିକ ବକେୟା ପାଉଣା ଦାବିରେ ଆଜି ଧାରଣାରେ ବସିଛନ୍ତି। ଲକଡାଉନ୍ ସମୟରେ ଖଣି କାମ କରିଥିଲେ ମଧ୍ୟ ସେମାନେ ଦରମାରୁ ବଞ୍ଚିତ ରହିଥିବା ବେଳେ ଆଜି ଖଣି ଫାଟକ ସମୁଖରେ ବସି ନିଜ ହକ୍ ପାଇଁ ନାରାବାଜି କରିଥିଲେ। ପରିସ୍ଥିତିକୁ ଦୃଷ୍ଟିରେ ରଖି ଘଟଣାସ୍ଥଳରେ ପୋଲିସ ମୁତୟନ କରାଯାଇଛି।