ମାହାଙ୍ଗା (ବଡ଼ ଖବର ବ୍ୟୁରୋ): ଟ୍ରାକ୍ଟର ଡ୍ରାଇଭରର ବେପରୁଆ ଗାଡି ଚାଳନା । ଶିଶୁ ପୁତ୍ରର ଚାଲିଗଲା ଜୀବନ । ଦିନକୁ ଦିନ ବଢି ଚାଲିଛି ଶିଶୁ ମୃତ୍ୟୁହାର । କିଏ ଦୁର୍ଘଟଣାରେ ଶିକାର ହେଉଛି ତ ଆଉ କିଏ ଅକାଳ ବିୟୋଗରେ ଚାଲିଯାଉଛି । ଏମିତି ଏକ ଅଭାବନୀୟ ଘଟଣା ଘଟିଛି କଟକ ଜିଲ୍ଲା ଭଦ୍ରେଶ୍ୱର ଥାନା ଝାଡେଶ୍ୱରପୁର ଚିଙ୍ଗୁଡ଼ିଆମୁଁହ ଅଂଚଳରେ । ଟ୍ରାକ୍ଟର ଚାଳକଙ୍କ ବେପରୁଆ ଗାଡ଼ି ଚକା ତଳେ ଚାଲିଗଲା ଅଢେଇ ବର୍ଷ ଶିଶୁ ପୁତ୍ର ପୀୟୁଷର ଜୀବନ ।
ଡ୍ରାଇଭର ଜଣଙ୍କ ଗତ କିଛି ମାସ ତଳେ ଚିଙ୍ଗୁଡ଼ିଆ ମୁହଁ ପାଟନାଳି ସେତୁର କାର୍ଯ୍ୟ କରୁଥିଲେ । ପିଲାଟି ଖେଳୁଥିବା ସମୟରେ ଡ୍ରାଇଭର ଜଣଙ୍କ ଟ୍ରାକ୍ଟର ଚଢାଇ ଦେଇଥିଲେ । ସେପଟେ କାହା ନିର୍ଦ୍ଦେଶରେ ମାଟି ବାହାରକୁ ବିକ୍ରି କରାଯାଉଥିଲା ଏବଂ ମାଟି ବିକ୍ରି ପଛରେ ବିଭାଗୀୟ ଅଧିକାରୀଙ୍କ ହାତ ଅଛି କି ବୋଲି ଅଭିଯୋଗ ଆଣିଛନ୍ତି ମୃତ ଶିଶୁ ପୁତ୍ର ପୀୟୁଷର ପରିବାର ଲୋକେ । ପୁଅର ମୃତ୍ୟୁ ପରେ ଦିଗହରା ହୋଇପଡ଼ିଛନ୍ତି ବାପା -ମାଆ। ଅଭିଯୋଗ ପରେ ପୋଲିସ ଅଧିକ ତଦନ୍ତ ଚଳାଇଛି ।
