ଛତିିଶଗଡ଼ (ବଡ଼ ଖବର ବ୍ୟୁରୋ): ଛତିଶଗଡରେ ଲୋକସଭା ନିର୍ବାଚନର ପ୍ରଥମ ପର୍ଯ୍ୟାୟରେ ବସ୍ତର ଆସନ ପାଇଁ ମତଦାନ ଚାଲିଛି । ନିର୍ବାଚନ ଡ୍ୟୁଟି ସମୟରେ ଏଠାରେ ଆଇଇଡି ବିସ୍ଫୋରଣ ଘଟିଛି । ଏହି ଆଇଇଡି ବିସ୍ଫୋରଣରେ ସିଆରପିଏଫର ଆସିଷ୍ଟାଣ୍ଟ କମାଣ୍ଡାଣ୍ଟ ଆହତ ହୋଇଛନ୍ତି । ଏହାପୂର୍ବରୁ, ପୋଲିଂ ବୁଥ ଠାରୁ ୫୦୦ ମିଟର ଦୂରରେ ୟୁବିଜିଏଲର ସେଲ୍ ବିସ୍ଫୋରଣ ହୋଇଥିଲା । ଏହି କାରଣରୁ ଡ୍ୟୁଟିରେ ଥିବା ସିଆରପିଏଫ ଯବାନ ଆହତ ହୋଇଥିଲେ ।
ସୂଚନାନୁସାରେ, ବସ୍ତର ଲୋକସଭା ନିର୍ବାଚନମଣ୍ଡଳୀରେ ଚାଲିଥିବା ହିଂସା ମଧ୍ୟରେ ବିଜାପୁରର ଭୌରମଗଡ ପୋଲିସ ଷ୍ଟେସନ ଅଞ୍ଚଳରେ ଆଇଇଡି ବିସ୍ଫୋରଣ ଘଟିଛି । ଏହି ଆଇଇଡି ବିସ୍ଫୋରଣରେ ଶିକାର ହେବା ପରେ ସିଆରପିଏଫ ଯବାନ ମନୁ ଏଚସି ଆହତ ହୋଇଛନ୍ତି । ଆସିଷ୍ଟାଣ୍ଟ କମାଣ୍ଡାଣ୍ଟଙ୍କ ବାମ ଗୋଡ ଏବଂ ବାମ ହାତରେ ଆଘାତ ଲାଗିଛି । ସେପଟେ ମଣିପୁରରେ ମଧ୍ୟ ହିଂସା ଦେଖାଦେଇଛି । ଏଠାରେ ମତଦାନ ଚାଲିଥିବାବେଳେ ଏକ ବୁଥ ବାହାରେ ଗୁଳିମାଡ ହୋଇଥିବା ଖବର ରହିଛି ।
