ବ୍ରହ୍ମଗିରିରେ ବିଜେପିର ଶକ୍ତି ପ୍ରଦର୍ଶନ

ପୁରୀ (ବଡ଼ ଖବର ବ୍ୟୁରୋ): ନିର୍ବାଚନ ବିଗୁଲ୍ ବାଜିବା ପରେ ମଇଦାନ୍ ପ୍ରସ୍ତୁତ ଆଉ ଯୋଦ୍ଧା ବି ତୟାର। ବ୍ରହ୍ମଗିରି ବିଧାନସଭା ନିର୍ବାଚନମଣ୍ଡଳି ଅଧୀନରେ ଆସୁଥିବା ପୁରୀ ସଦର ବ୍ଲକର ୧୧ଟି ପଞ୍ଚାୟତରେ ବିଜେପିର ଶକ୍ତି ପ୍ରଦର୍ଶନ। ବ୍ରହ୍ମଗିରି ନିର୍ବାଚନ ମଣ୍ଡଳୀ ବିଜେପି ବିଧାୟିକା ପ୍ରାର୍ଥୀ ଉପାସନା ମହାପାତ୍ର ଓ ପୁରୀ ବିଜେପି ସାଂସଦ ପ୍ରାର୍ଥୀ ଡକ୍ଟର ସମ୍ବିତ ପାତ୍ର ବିଶାଲ୍ ରାଲି କରି ଜନତାଙ୍କ ଆର୍ଶୀବାଦ ନେଇଥିଲେ। ରାଜ୍ୟ ରାଜନୀତିରେ ବ୍ରହ୍ମଗିରି ନିର୍ବାଚନମଣ୍ଡଳି ଏକ ଚର୍ଚ୍ଚିତ ନିର୍ବାଚନମଣ୍ଡଳି ହୋଇଥିବାରୁ ୨୦୧୯ରେ ବିଜେପି ବିଜୟ ମୁକୁଟ ପିନ୍ଧିଥିଲା। ଲଳିତେନ୍ଦୁ ବିଦ୍ୟାଧର ମହାପାତ୍ର ସେଠାରୁ ନିର୍ବାଚିତ ପ୍ରତିନିଧି ହୋଇଥିବା ବେଳେ ଚଳିତ ନିର୍ବାଚନରେ ଉପାସନା ମହାପାତ୍ରଙ୍କ ଉପରେ ଦଳ ଭରସା କରିଛି।

ଆଜି ଏକ ଆର୍ଶୀବାଦ ଯାତ୍ରାରେ ଉପାସନା ଓ ସମ୍ବିତ ପାତ୍ର ସାମିଲ୍ ହୋଇ ଭୋଟ ଭିକ୍ଷା କରିଥିଲେ। ପ୍ରଥମ ନିର୍ବାଚନ ଲଢୁଥିବାରୁ ଜନତାଙ୍କ ଆର୍ଶୀବାଦ ଲୋଡିଛନ୍ତି ଉପାସନା। ୨୦୪୭ ସୁଦ୍ଧା ଭାରତ ଏକ ବିକଶିତ ରାଷ୍ଟ୍ରରେ ପରିଣତ ହେବ ଓ ନରେନ୍ଦ୍ର ମୋଦିଙ୍କୁ ପୁର୍ନବାର ପ୍ରଧାନମନ୍ତ୍ରୀ ପଦବୀରେ ଅବସ୍ଥାପିତ କରାଯିବ ବୋଲି ଦୃଢୋକ୍ତିର ସହ ସମ୍ବିତ ପାତ୍ର କହିଥିଲେ।