ମନବଳ ଦୁର୍ବଳ କରିବା ପାଇଁ ଏଗଜିଟ ପୋଲ: ରାହୁଲ ଗାନ୍ଧୀ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସମସ୍ତଙ୍କ ନଜର ଏବେ ଏଗଜିଟ ପୋଲ ଉପରେ । ଏଗଜିଟ ପୋଲକୁ ନେଇ ଚାରିଆଡ଼େ ଚର୍ଚ୍ଚା । ସମସ୍ତଙ୍କ ଗୋଟିଏ ଆକଳନ ବିଜେପି ତୃତୀୟ ଥର ପାଇଁ କରିବ ସରକାର । ଯାହାକୁ ନେଇ ନିଜ ପ୍ରତିକ୍ରିୟା ରଖିଛନ୍ତି ରାହୁଲ ଗାନ୍ଧୀ । ଗ୍ରାଣ୍ଡ ଆଲାଇନ୍ସ ବା ମହାମେଣ୍ଟର ବୈଠକରେ ରାହୁଲ ଗାନ୍ଧୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ସମସ୍ତ ପ୍ରାର୍ଥୀଙ୍କ ସହ କଥା ହୋଇ ସେମାନଙ୍କୁ ଉତ୍ସାହିତ କରି କହିଛନ୍ତି ଯେ ଏଗଜିଟ ପୋଲ ଯାହା ବି କହିବ ତାହା କେବଳ ଆପଣଙ୍କୁ ହତାଶ କରିବାକୁ।

ସେ କହିଛନ୍ତି ଯେ ଇଣ୍ଡିଆ ଆଲାଇନ୍ସ ଏବଂ ବିଜେପି ମଧ୍ୟରେ ସମାନ ପ୍ରତିଯୋଗିତା ରହିଛି । ଅନେକ ଆସନରେ କଡା ଲଢେଇ ମଧ୍ୟ ଦେଖିବାକୁ ମିଳିଛି। ରାହୁଲ ଗାନ୍ଧୀ କହିଛନ୍ତି ଯେ ଶେଷ ଭୋଟ ଗଣନା ନହେବା ପର୍ଯ୍ୟନ୍ତ ଆମକୁ ଦୃଢ ରହିବାକୁ ପଡ଼ିବ। ଇଣ୍ଡିଆ ଆଲାଏନ୍ସ ବୈଠକ ଶେଷ ହେବା ପରେ ଯେତେବେଳେ ରାହୁଲ ଗାନ୍ଧୀଙ୍କୁ ଏଗଜିଟ ପୋଲ ବିଷୟରେ ପଚାରିଥିଲେ, ସେ କହିଥିଲେ ଯେ ଏହା ଏକଜିଟ ପୋଲ ନୁହେଁ ବରଂ ଏହା ମୋଦି ସର୍ଭେ।