ବାଲେଶ୍ୱର (ବଡ଼ ଖବର ବ୍ୟୁରୋ): ବାଲେଶ୍ୱରରେ ମାତିଛନ୍ତି ପଥର ମାଫିଆ । ବିପଦରେ ବାଗୁଡ଼ି ଖଞ୍ଜାମାହାଲ ପାହାଡ । ଡିନାମାଇଟ୍ ଲଗାଇ ଫଟାଉଛନ୍ତି ପାହାଡ । ଲୁଟଛନ୍ତି କୋଟି କୋଟି ଟଙ୍କାର ପଥର । ରାଜନୀତି ଛତ୍ରଛାୟାରେ ରହି ପାହାଡକୁ ଗିଳି ସାରିଲେଣି ବିଜେଡି ନେତା । ଆଇନକୁ ଖାତିର ନକରି ଦିନରାତି ଚଳାଇଛନ୍ତି ପଥର ଲୁଟ । ନୀରବ ବସିଛନ୍ତି ଜିଲ୍ଲାପ୍ରଶାସନ । କେତେବେଳେ ଭୂସ୍ଖଳନ ହୋଇ ମାଟିରେ ମିଶିଯିବ ପାହାଡ ତଳର ଗାଁ । ଚିନ୍ତାରେ ଅଞ୍ଚଳବାସୀ ।
ଯଦିଓ ସରକାରଙ୍କ ନୀତିନିୟମ ଅନୁଯାୟୀ ପଥର ଖଦାନ ବନ୍ଦ ରହିଛି କିନ୍ତୁ ଆଇନ ଆଖିରେ ଧୂଳିଦେଇ ସ୍ଥାନୀୟ ଅଧିକାରୀବାବୁ ମାନଙ୍କୁ ହାତ ବାରିଶି କରି ମାଫିଆମାନେ ବେଧଡକ ଚଳାଇଛନ୍ତି ପଥର ଚୋରି । ଜେସିବି ସାହାଯ୍ୟରେ ଡମ୍ପର ଓ ଟ୍ରାକ୍ଟରରେ ରାଜ୍ୟ ଏବଂ ରାଜ୍ୟ ବାହାରକୁ ଚୋରା ଚାଲାଣ କରି କୋଟି ପତି ହୋଇଛନ୍ତି ବହୁ ବିଜେଡି ନେତା । ମାଫିଆମାନେ ପରିବେଶ ଆଇନକୁ ଉଲଂଘନ କରି ପାହାଡ ଉପରୁ ଦୁଇଶହ ଫୁଟ ଏବଂ ପାହାଡ ତଳ ଭାଗରୁ ଦୁଇଶହ ଫୁଟ ଗଭୀର କରି ନେଉଛନ୍ତି ପଥର । ଯାହା ଦ୍ଵାରା ପାହାଡ ହରାଉଛି ଭରସାମ୍ୟ ।
