୧୭ ଦଫା ଦାବିନେଇ ଆଦିବାସୀ ମୋର୍ଚ୍ଚା ପକ୍ଷରୁ ଆନ୍ଦୋଳନ

ପାରଳାଖେମୁଣ୍ଡି (ବଡ଼ ଖବର ବ୍ୟୁରୋ): ୧୭ ଦଫା ଦାବିନେଇ ଗଜପତି ଜିଲ୍ଲା ବାମପନ୍ଥୀ ସିପିଆଇ ଦଳର ଆଦିବାସୀ ମୋର୍ଚ୍ଚା ପକ୍ଷରୁ ଆନ୍ଦୋଳନ । ଆଜି ପାରଳାଖେମୁଣ୍ଡି କଲେଜ ଛକ ନିଟରୁ ସିପିଆଇର ଏକ ବିକ୍ଷୋଭ ଶୋଭାଯାତ୍ରା ବାହାରି ସହର ପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ନାରେ ଧାରଣାରେ ବସିଛନ୍ତି । ସେମାନଙ୍କ ମୁଖ୍ୟ ଦାବି ହେଲା ବାସହରାମାନଙ୍କୁ ଘର ଢ଼ିହ ପଟ୍ଟା ପ୍ରଦାନ, ଜମିହୀନଙ୍କୁ କେନ୍ଦ୍ରୀୟ ଆଇନ ୨୦୦୬ ଆନୁସାରେ ଜଙ୍ଗଲ ଜମିପଟ୍ଟା ପ୍ରଦାନ, ଜିଲ୍ଲାର ନୂଆଗଡ଼ ବ୍ଲକରେ ସୁନ୍ଦରଡାଙ୍ଗ ଗ୍ରାମ ଠାରୁ ହଟିଲିମା ଡିମ୍ବିରି ସାହି ପର୍ଯ୍ୟାନ୍ତ ପକ୍କାରାସ୍ତା ନିର୍ମାଣ, ଗଜପତି ଜିଲ୍ଲାରେ ସରକାରୀ ଜମିକୁ ଆଦିବାସୀ ଦଖଲ କରିଥିବା ଜମିକୁ ଯଥାଶୀଘ୍ର ଚିହ୍ନଟ କରିବା ଲାଗି ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଉ ଇତ୍ୟାଦି ଦାବିନେଇ ୧୭ଦଫ ସମ୍ବଳିତ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଜିଲ୍ଲାପାଳଙ୍କୁ ପ୍ରଦାନ କରିଛନ୍ତି । ଆଦିବାସୀଙ୍କ ଦାବିକୁ ଅଗ୍ରଅଧିକାରରେ ବିଚାରକୁ ନେଇ ତୁରନ୍ତ ସମାଧାନର ବ୍ୟବସ୍ଥା ନକଲେ କିମ୍ବା ଦାବି ପୂରଣ ନହେଲେ ଗଜପତି ଜିଲ୍ଲାର ଆଦିବାସୀ ରାଜରାସ୍ତାକୁ ଓହ୍ଲେଇ ଆନ୍ଦୋଳନକୁ ଜୋରଦାର କରିବେ । ଯାହାର ଦାୟି ସରକାର ରହିବେ ବୋଲି ଚେତାବନୀ ଦେଇଛନ୍ତି ରାଜ୍ୟ ସଭାପତି ଆଦିବାସୀ ମୋର୍ଚ୍ଚା ତିରୁପତି ଗମାଙ୍ଗ, ।