ଭୁବନେଶ୍ୱର (ବଡ଼ ଖବର ବ୍ୟୁରୋ): ନବୀନ ବସିଥିଲେ ନବୀନ ନିବାସରେ । ହଠାତ୍ ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟ ପହଂଚିଲେ । ରିଷି କିଛି କହିବା ପୂର୍ବରୁ ପାଣ୍ଡିଆନ ମଧ୍ୟ ପହଂଚିଥିଲେ ନବୀନ ନିବାସରେ । ସେ ଏଇଥିପାଇଁ ସେଠାକୁ ଯାଇଥିଲେ ଯେ ନବୀନ ସାର ସେଦିନ ମେଡିସିନ ଖାଇଛନ୍ତି ନା ନାହିଁ ବୁଝିବାପାଇଁ। ଏହାରି ଭିତରେ ଋଷି ଆରମ୍ଭ କଲେ ରାଜନୀତିର ଚର୍ଚ୍ଚା । ସେ କହିଲେ ଯେ ସାର, ଆପଣ ବାଏ ଇଲେକ୍ସନ ଲାଗି ପ୍ରସ୍ତୁତ ହୋଇଯାଆନ୍ତୁ । ନବୀନ ଟିକେ ହସି ଦେଲେ, କହିଲେ କ’ଣ ପାଇଁ?
ହାଇକୋର୍ଟରେ କେଶ ଫାଇଲ ହୋଇଛି । ଏହାରି ଭିତରେ ବିଜେପିର ୭ଜଣ ଏମଏଲଏ କମିିବେ । ସେଇଠି ଯେଉଁ ବାଏ ଇଲେକ୍ସନ ହେବ ଆପଣ ଖାଲି ଗାଡ଼ିରେ ବସିବେ । ଆଉ ହାତ ହଲାଇ ଚାଲି ଆସିବେ । ସାତ ବିଜେପି ଆସିଲେ ଆମର ଷାଠିଏ । ଦରକାର ପଡ଼ିଲେ ଆମେ କଂଗ୍ରେସ ସହ ହାତ ମିଶେଇ ଦେବା । ନୂଆ ସରକାର କରିବା, ଏମାନଙ୍କୁ ବିଦା କରିବା । ନିକଟରେ ଏକ ସଭାରେ ବିଜେଡି ସାଂସଦ ରିଷି ସାମନ୍ତରାୟ ଏହା କହୁଥିଲେ । ଏହା ଗପ ନୁହେଁ, ସତ । ନବୀନ ନିବାସରେ ନବୀନ ବାବୁଙ୍କ ସାମନାରେ ଋଷି ବାବୁ ଏ କଥା କହୁଥିବା ବେଳେ ସେଠି ଉପସ୍ଥିତ ଥିଲେ ପାଣ୍ଡିଆନ ବାବୁ । ନବୀନ ମୁରୁକି ହସିଲେ, ଆଖି ବୁଜି ସ୍ୱପ୍ନ ରାଇଜକୁ ଚାଲିଗଲେ । ତଥାପି ସ୍ୱପ୍ନ ବାକି ଅଛି ।
