ମେଡିକାଲ ଉପରୁ ଡେଇଁଲେ ଯୁବତୀ

ରାୟଗଡ଼ା(ବଡ଼ ଖବର ବ୍ୟୁରୋ): ତିନି ମହଲା ଉପର ଝରକା ରାସ୍ତାରେ ଡେଇଁ ଯୁବତୀଙ୍କ ଆତ୍ମହତ୍ୟା। ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଘଟିଛି ଏକ ଅଭାବନୀୟ ଅଘଟଣ। ଚିକିତ୍ସା ପାଇଁ ଆସିଥିବା ଜଣେ ଯୁବତୀ ଝରକା ପଟେ ଡେଇଁ ଆତ୍ମହତ୍ୟା କରିଛନ୍ତି। ମୃତକ ଜଣକ ତୁମ୍ବିଗୁଡା ବାସିନ୍ଦା ରଜନୀ ମେଲେକା ବୋଲି ଜଣା ପଡ଼ିଛି। ଗତ ୭ ତାରିଖରେ ଯୁବତୀ ଜଣକଙ୍କ ଦେହ ଅସୁସ୍ଥ ହୋଇପଡିଲା। ପରିବାର ଲୋକେ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ।

ସବୁକିଛି ସ୍ବଭାବିକ ଥିବା ବେଳେ ଗତକାଲି ରାତିରେ ଯୁବତୀ ଜଣକ ବାଥରୁମ ଯାଇ ବହୁତ ସମୟ ପର୍ଯ୍ୟନ୍ତ ଫେରିନଥିଲେ । ବହୁତ ଖୋଜାଖୋଜି ପରେ ରକ୍ତାକ୍ତ ଅବସ୍ତାରେ ତଳେ ପଡିଥିବା ଦେଖିବାକୁ ପାଇଥିଲେ। ସୂଚନା ପାଇ ଚିକିତ୍ସାଳୟର ଅଧିକାରୀ ଘଟଣା ସ୍ଥଳରେ ପହଞ୍ଚାଇବା ପରେ ପୋଲିସ କୁ ଖବର ଦିଆଯାଇଥିଲା। ପୋଲିସ ପହଂଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଛନ୍ତି। ତେବେ ରୋଗାକ୍ରାନ୍ତ ଯଗୁଁ ମାନସିକ ଚାପରେ ରହି ଆତ୍ମହତ୍ୟା କରିଥାଇପାରନ୍ତି ବୋଲି ଅନୁମାନ କରାଯାଉଛି ।