ଭୁବନେଶ୍ୱର, (ବଡ଼ ଖବର ବ୍ୟୁରୋ): ଆଜି ଭାରତୀୟ କ୍ରିକେଟ ଦଳର ଅଧିନାୟକ ତଥା ଆଧୁନିକ ଯୁଗର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ ବିରାଟ କୋହଲିଙ୍କ ଜନ୍ମଦିନ । ସେ ଆଜି ତାଙ୍କର ୩୨ତମ ଜନ୍ମଦିନ ପାଳନ କରୁଛନ୍ତି । ବିରାଟ ୫ ନଭେମ୍ବର ୧୯୮୮ରେ ଦିଲ୍ଲୀରେ ଜନ୍ମଗ୍ରହଣ କରିଥିଲେ । କୋହଲି ମାତ୍ର ୧୯ ବର୍ଷ ବୟସରେ ଡମ୍ବୁଲ୍ଲାରେ ଶ୍ରୀଲଙ୍କା ବିପକ୍ଷରେ ଭାରତ ପାଇଁ ଡେବ୍ୟୁ କରିଥିଲେ । ଏହା ପରଠାରୁ ସେ ଭାରତୀୟ କ୍ରିକେଟ ଦଳରେ ଏକ ଅବିଚ୍ଛେଦ୍ୟ ଅଙ୍ଗ ଭାବେ ରହିଛନ୍ତି । ସେ ଆଧୁନିକ କ୍ରିକେଟରେ ନିଜର ପତିଆରା ବିସ୍ତାର କରିଛନ୍ତି । ସେ ବହୁ ରେକର୍ଡ ମଧ୍ୟ ହାସଲ କରିଛନ୍ତି । ସେ ହେଉଛନ୍ତି ସବୁଠୁ ଦ୍ରୁତଗାମୀ ବ୍ୟାଟ୍ସମ୍ୟାନ ଯିଏକି ୧୦ହଜାର ରନ କମ୍ ମ୍ୟାଚରେ ହାସଲ କରିଛନ୍ତି । ସେ ଏହି ରେକର୍ଡ ୨୦୫ଟି ଇନିଂସରେ ପୂରଣ କରିଛନ୍ତି । ସେ ଏକମାତ୍ର କ୍ୟାପଟେନ୍ ଯିଏ ଗୋଟିଏ ବର୍ଷରେ ଦିନିକିଆରେ ସର୍ବାଧିକ ରନ(୧୪୬୦) ହାସଲ କରିଛନ୍ତି । କୋହଲି ହେଉଛନ୍ତି ଏକମାତ୍ର ବ୍ୟାଟ୍ସମ୍ୟାନ ଯିଏ ସମସ୍ତ ଫର୍ମାଟରେ ଆଭେରେଜ ୫୦ରେ ୨୦ହଜାର ରନ ସଂଗ୍ରହ କରିଛନ୍ତି । ସେ ଆର୍ନ୍ତଜାତୀୟ କ୍ରିକେଟରେ ୭୦ଟି ଶତକ ହାସଲ କରିଛନ୍ତି ।
ଛୋଟ ବୟସରୁ କ୍ରିକେଟ ପ୍ରତି ରୁଚି ରଖିଥିବା ବିରାଟ ୨୦୦୬ରେ ଇଂଲଣ୍ଡ ବିପକ୍ଷରେ ଭାରତୀୟ ଅଣ୍ଡର-୧୯ ଦଳରେ ସ୍ଥାନ ପାଇଥିଲେ । ଅଣ୍ଡର-୧୯ରେ ଦମଦାର ପ୍ରଦର୍ଶନ କରିବା ପରେ ସେ ସେହି ବର୍ଷ ଦିଲ୍ଲୀ ପକ୍ଷରୁ ନିଜର ଘରୋଇ କ୍ରିକେଟ ଆରମ୍ଭ କରିଥିଲେ । ୨୦୦୮ ମସିହାରେ ଅନୁଷ୍ଠିତ ମାଲେସିଆରେ ଅନୁଷ୍ଠିତ ହୋଇଥିବା ଅଣ୍ଡର-୧୯ କ୍ରିକେଟ ବିଶ୍ୱକପରେ ସେ ଭାରତର ନେତୃତ୍ୱ ନେଇଥିଲେ ଓ ଭାରତକୁ ଅଣ୍ଡର-୧୯ ବିଶ୍ୱକପ ଟ୍ରଫି ମଧ୍ୟ ଭେଟି ଦେଇଥିଲେ ।
https://twitter.com/BCCI/status/1324177112232853504?s=20
To the man who’s given blood, sweat and tears to the Red and Gold.
To our Leader and Legend, Here’s wishing KING KOHLI a very Happy Birthday!! 🤩🤩
Have a great day, Skip! #PlayBold #WeAreChallengers #HappyBirthdayViratKohli #HappyBirthdayKingKohli pic.twitter.com/bnPUi7goot
— Royal Challengers Bengaluru (@RCBTweets) November 4, 2020
Happy Birthday @imVkohli! All the best for the coming season.
Continue inspiring. Have a blessed and healthy year ahead. pic.twitter.com/i0FYyuzSlH— Sachin Tendulkar (@sachin_rt) November 5, 2020
ଅଣ୍ଡର-୧୯ କ୍ରିକେଟରେ ଦମଦାର ପ୍ରଦର୍ଶନ ପରେ ୨୦୦୮ ଆଇପିଏଲରେ ସେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦଳରେ ସାମିଲ ହୋଇଥିଲେ । ବିରାଟ ୨୦୦୮ ମସିହା ଅଗଷ୍ଟରେ ଭାରତୀୟ ଦିନିକିଆ ଦଳରେ ଶ୍ରୀଲଙ୍କା ବିପକ୍ଷରେ ଡେବ୍ୟୁ କରିଥିଲେ । ସେ ୨୦୧୦ମସିହା ଜୁନ ୧୦ରେ ଜିମ୍ବାୱେ ବିପକ୍ଷରେ ଟି-୨୦ରେ ଡେବ୍ୟୁ କରିଥିଲେ । କୋହଲିଙ୍କ ଚମତ୍କାର ପ୍ରଦର୍ଶନ ଫଳରେ ସେ ୨୦୧୧ ବିଶ୍ୱକପ ବିଜୟୀ ଦଳରେ ସାମିଲ ହୋଇଥିଲେ । ସେ ପ୍ରଥମ ବ୍ୟାଟ୍ସମ୍ୟାନ ଭାବେ ବିଶ୍ୱକପ ଡେବ୍ୟୁ ମ୍ୟାଚରେ ଶତକ ହାସଲ କରିଥିଲେ । ୨୦୧୧ ଜୁନରେ ଭାରତୀୟ ଟେଷ୍ଟ ଦଳରେ ୱେଷ୍ଟ ଇଣ୍ଡିଜ୍ ବିପକ୍ଷରେ ଡେବ୍ୟୁ କରିଥିଲେ । ୨୦୧୫ରେ ଅନୁଷ୍ଠିତ ବିଶ୍ୱକପରେ ସେ ଉପଅଧିନାୟକର ଦାୟିତ୍ୱ ତୁଲାଇଥିଲେ ଏବଂ ଦଳ ପାଇଁ ଦମଦାର ପ୍ରଦର୍ଶନ କରିଥିଲେ । ସେ ୨୦୧୪ରୁ ଭାରତୀୟ ଟେଷ୍ଟ ଦଳର ଏବଂ ୨୦୧୭ରୁ ଲିମିଟେଡ୍ ଓଭର କ୍ରିକେଟରେ ଅଧିନାୟକ ଭାର ତୁଲାଉଛନ୍ତି । ସେ ତାଙ୍କ କ୍ରିକେଟ କ୍ୟାରିୟର ମଧ୍ୟରେ ୮୬ଟି ଟେଷ୍ଟ ଖେଳି ୨୭ଟି ଶତକ ବଳରେ ୭୨୪୦ ରନ ସଂଗ୍ରହ କରିଛନ୍ତି । ସେହିପରି ଭାବରେ ଦିନିକିଆ କ୍ରିକେଟରେ ୨୪୮ଟି ମ୍ୟାଚ ଖେଳି ୪୩ ଶତକ ସହ ୧୧ ହଜାର ୮୬୭ ରନ ସଂଗ୍ରହ କରିଛନ୍ତି । ଟି-୨୦ କ୍ରିକେଟରେ ମଧ୍ୟ ସେ ଦମଦାର ପ୍ରଦର୍ଶନ କରିଛନ୍ତି । ସେ ୮୨ଟି ମ୍ୟାଚ ଖେଳି ୨ହଜାର୭୯୪ ରନ ସଂଗ୍ରହ କରିଛନ୍ତି ।
May the hunger for runs continue and may you achieve new heights and find fulfillment in whatever you do @imVkohli . #HappyBirthdayViratKohli pic.twitter.com/MlMdaKF9Zs
— Virender Sehwag (@virendersehwag) November 5, 2020
Wishing #TeamIndia captain @imVkohli a very happy birthday. May you continue to play for India and inspire the young generation. pic.twitter.com/r1PgxTw8Cb
— Kiren Rijiju (@KirenRijiju) November 5, 2020
ଆଜି ତାଙ୍କ ଜନ୍ମଦିନ ଅବସରରେ ବିସିସିଆଇ ସମେତ ବହୁ ଜାତୀୟ ଓ ଆର୍ନ୍ତଜାତୀୟ କ୍ରିକେଟର ଓ ତାଙ୍କ ପ୍ରସଂଶକମାନ ତାଙ୍କୁ ଅଭିନନ୍ଦନ ଜଣାଇଛନ୍ତି ।
