ବାଗଡିହିରେ କନକ ଦୁର୍ଗା ମନ୍ଦିର ଭୂମି ପୂଜା

ଲଇକେରା, (ବଡ଼ ଖବର ବ୍ୟୁରୋ): ଝାରସୁଗୁଡ଼ା ଜିଲ୍ଲା ଲଇକେରା ଥାନା ଅନ୍ତର୍ଗତ ବାଗଡିହି ଗ୍ରାମରେ କନକ ଦୁର୍ଗା ମନ୍ଦିର ନିର୍ମାଣ ପାଇଁ ଭୂମି ପୂଜା କରାଯାଇଛି। ବାଗଡିହିର ସର୍ବପୁରାତନ ଦୁର୍ଗାପୂଜା ମଣ୍ଡପଠାରେ ଗ୍ରାମର ବିଜୟ ଅଗ୍ରୱାଲଙ୍କ ଉଦ୍ୟମକ୍ରମେ ନିର୍ମାଣ ହେବାକୁ ଥିବା ଏହି ମନ୍ଦିର ଭୂମିପୂଜାରେ କିର୍ତ୍ତୀଚନ୍ଦ୍ର ପଣ୍ଡା ପୂଜା କାର୍ୟ୍ୟ ସମ୍ପାଦନ କରିଥିଲେ। ସୁରେଶ୍ଵର ମିଶ୍ର, ଦୟାନନ୍ଦ ପଣ୍ଡା ଓ ବିଜୟ ଦାସ ସହଯୋଗ କରିଥିଲେ। ଭୂମିପୂଜାରେ ଦିଲୀପ ମିଶ୍ର କର୍ତ୍ତା ଦାୟିତ୍ଵ ତୁଲାଇଥିଲେ। ଅନ୍ୟମାନଙ୍କ ମଧ୍ୟରେ ତେଜରାଜ ସାହୁ, ଅଜୟ ଶର୍ମା, ଗୋପାଳ ପଣ୍ଡା, ସୋନୁ ଶର୍ମା, ରବି ସାହୁ, ଅଶୋକ ଶର୍ମା, ପ୍ରେମଚାନ୍ଦ ବାଧାନ, ବିଜୟ ସାହୁ, ସଞ୍ଜୟ ଅଗ୍ରୱାଲ, ଚୂଡ଼ାମଣି ସାହୁଙ୍କ ସମେତ ଗ୍ରାମର ବହୁ ବ୍ୟକ୍ତି ଉପସ୍ଥିତ ଥିଲେ।