ହ୍ରାସ ପାଇଲା ରେପୋ ରେଟ୍

ନୂଆଦିଲ୍ଲୀ (ବଡ ଖବର ବ୍ୟୁରୋ) : ରେପୋ ରେଟ ବୃଦ୍ଧିରେ ଲାଗିଲା ବ୍ରେକ୍ । ୫୦ ବେସିସ୍ ପଏଣ୍ଟ୍ କୁ ରେପୋ ରେଟକୁ ହ୍ରାସ କଲା ଆର.ବି.ଆଇ । ୬ ପ୍ରତିଶତରୁ ୫.୫% ପ୍ରତିଶତକୁ ଖସିଛି । ଲଗାତାର ତୃତୀୟ ଥର ପାଇଁ ରେପୋ ରେଟ୍ ହ୍ରାସ ପାଇଛି । ଯାହା ଦ୍ୱାରା ଘର ଏବଂ କାର ଲୋନ ସମେତ ବିଭିନ୍ନ ଇ.ଏମ୍.ଆଇ କମିବା ନେଇ କହିଛନ୍ତି ଆରବିଆଇ ଗଭର୍ଣ୍ଣର ସଞ୍ଜୟ ମଲହୋତ୍ରା । ଏମପିସିର ନିଷ୍ପତ୍ତି କୁ ଘୋଷଣା କରି ଅର୍ଥନୈତିକ ପରିସ୍ଥିତିର ଏକ ବ୍ୟାପକ ମୂଲ୍ୟାଙ୍କନ ଉପରେ ଆଧାରିତ କମିଟି ବୋଲି ମତ ରଖିଛନ୍ତି ମଲହୋତ୍ର । ପ୍ରଥମ ଥର ପାଇଁ କ୍ରେତା ଏବଂ ଅପଗ୍ରେଡ୍ କରିବାକୁ ଚାହୁଁଥିବା ଲୋକଙ୍କ ପାଇଁ ଉତ୍ସାହଜନକ ବିଷୟ ବସ୍ତୁ ଆଲୋଚନାରେ ସ୍ଥାନ ପାଇଥିଲା । ଡେଭ୍ଲପର,ଉନ୍ନତ କ୍ରେତାଙ୍କ ଭାବନା ଓ ଚାହିଦାକୁ ବୃଦ୍ଧି କରିବାକୁ ଲକ୍ଷ ରଖା ଯାଇଛି । ଯାହା ସେମାନଙ୍କୁ ଅଧିକ ଆର୍ଥିକ ବିକଳ୍ପ ପ୍ରଦାନ ଏବଂ ଅଧିକ ଆତ୍ମବିଶ୍ୱାସର ସହିତ ନୂତନ ପ୍ରକଳ୍ପ ଆରମ୍ଭ କରିବାକୁ ସହାୟକ ହେବ । ସାମଗ୍ରିକ ଭାବରେ ରେପୋ ହାର ହ୍ରାସ ଗୃହକାର୍ଯ୍ୟ ଏବଂ ଡେଭଲପରଙ୍କୁ ଲାଭ ଦେବ । ସଞ୍ଜୟ ଆହୁରି ମଧ୍ୟ କହିଛନ୍ତି ଆରବିଆଇ ୨୦୨୫-୨୬ ପାଇଁ ପ୍ରକୃତ ଜିଡିପି ଅଭିବୃଦ୍ଧି ୬.୫% ରହିବ ବୋଲି ଆକଳନ କରିଛି । ପ୍ରଥମ ତିନିମାସିକରେ ୬.୫%, ଦ୍ୱିତୀୟ ତିନିମାସିକରେ ୬.୭% ,ତୃତୀୟ ତିନିମାସିକରେ ୬.୬% ଏବଂ ଚତୁର୍ଥ ତୈ୍ରମାସିକରେ ୬.୩% ରହିବ ବୋଲି କୁହାଯାଉଛି । ଅର୍ଥନୀତି ଗତିଶୀଳ ହେବ ଏବଂ ଲୋକଙ୍କ ନିକଟକୁ ଅଧିକ ପଇସା ଆସିଲେ ସେମାନେ ମଧ୍ୟ ମାର୍କେଟରେ ଅଧିକ ଇନଭେଷ୍ଟମେଣ୍ଟ୍ କରିବେ ଯାହା ଫଳରେ ଜିଡିପି ଅଭିବୃଦ୍ଧି ହେବ ।