Masthead

ଆଉ ନାହାନ୍ତି କାଣ୍ଟା ଲଗା ଫେମ୍ ସେଫାଳୀ

ମୁମ୍ବାଇ (ବଡ଼ ଖବର ବ୍ୟୁରୋ): ବଲିଉଡ୍ ଇଣ୍ଡଷ୍ଟ୍ରିରେ ଖେଳି ଯାଇଛି ଶୋକର ଛାୟା । ଆଉ ନାହାନ୍ତି କାଣ୍ଟା ଲଗା ଫେମ୍ ସେଫାଳୀ ।

ଅକାଳରେ ଝଡି ପଡିଛି ତାଙ୍କ ଜୀବନ । ଆରପାରିକୁ ଚାଲିଯାଇଛନ୍ତି ମନୋରଞ୍ଜନ ଶିଳ୍ପ ଜଗତର ନାୟିକା ସେଫାଳୀ ଜରିୱାଲା । ଜଣାଶୁଣା ଅଭିନେତ୍ରୀ ଏବଂ ବିଗ୍ ବସ୍ ୧୩ ପ୍ରତିଯୋଗୀ ସେଫାଳୀ ଜରିୱାଲାଙ୍କ ବିଳମ୍ବିତ ରାତିରେ ମୃତ୍ୟୁ ହୋଇଛି । ଯାହାକୁ ନେଇ ବଲିଉଡ୍ ଇଣ୍ଡଷ୍ଟ୍ରି ସ୍ତବ୍ଧ ପାଲଟିଯାଇଛି । ସତରେ ଜୀବନଟା ବହୁତ ମୂଲ୍ୟବାନ, ଆଜି ଅଛି ତ କାଲି କି ନାହିଁ । କେତେ ବେଳେ କେଉଁ ମୁହୂର୍ତ୍ତରେ କାହାର ଉଡିଯାଇପାରେ ପ୍ରାଣ ବାୟୁ । ଅଭିନେତ୍ରୀ ସେଫାଳୀ ଜରିୱାଲାଙ୍କରହୃଦଘାତହୋଇଛି ପରଲୋକ । ବିଳମ୍ବିତ ରାତିରେ ହୃଦଘାତ ହେବା କାରଣରୁ ତାଙ୍କ ସ୍ୱାମୀ ପରାଗ ତ୍ୟାଗୀ ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଡାକ୍ତର ସେଫାଳୀଙ୍କୁ ମୃତ ଘୋଷଣା କରିଥିଲେ ।

୨୦୦୨ ମସିହାରେ ମୁ୍ୟଜିକ୍ ଭିଡିଓ କାଣ୍ଟା ଲଗା ତାଙ୍କୁ ଦେଇଥିଲା ନୂଆ ପରିଚୟ । ରାତାରାତି ଷ୍ଟାର୍ ପାଲଟିଥିଲେ ସେଫାଳୀ । ଚର୍ଚ୍ଚିତ ଅଭିନେତ୍ରୀ ଭାବେ ବିଭିନ୍ନ ଅନୁଷ୍ଟାନ ଗୁଡିକର ବିଜ୍ଞାପନ, ମ୍ୟୁଜିକ୍ ଭିଡିଓ ଏବଂ ସିନେମାରେ ଅଭିନୟ କରି ଲୋକପ୍ରିୟତା ବେଶ ହାସଲ କରିପାରିଥିଲେ । ମାତ୍ର ୪୨ ବର୍ଷ ବୟସରେ ସେଫାଳୀଙ୍କର ଆକସ୍ମାକ ବିୟୋଗ ଘଟିଛି । ଯାହା ପ୍ରଶଂସକଙ୍କୁ ଭାଙ୍ଗିଦେଇଛି । ଏମିତି ଅଚାନକ ମୃତ୍ୟୁ ସମସ୍ତଙ୍କ ମନରେ ସନ୍ଦେହ ମଧ୍ୟ ସୃଷ୍ଟି କରିଛି ।ମୃତ୍ୟୁ ପଛର କାରଣ ହୃଦଘାତ ନା ଆଉ କିଛି ରହିଛି ତାର ସତ୍ୟାସତ୍ୟ ଉନ୍ମୋଚନର ରହିଛି ଆବଶ୍ୟକ । ଘଟଣାକୁ ଗୁରୁତ୍ୱର ସହ ନେଇ ମୁମ୍ବାଇ ପୋଲିସ୍ ପ୍ରାଥମିକ ତଦନ୍ତ ଆରମ୍ଭ କରିସାରିଛି । ସେଫାଳୀଙ୍କର ସମ୍ପର୍କୀୟ, ରୋଷେୟା ଏବଂ ଅନ୍ୟ ଘରୋଇ ସହାୟକଙ୍କୁ ଜେରା କରୁଛି ପୋଲିସ । ଅଧିକ ତଦନ୍ତ ପାଇଁ ସେଫାଳୀଙ୍କ ଘରେ ଫରେନସିକ୍ ଦଳ ପହଞ୍ଚି ଚଳାଇଛି ଛାନଭିନ୍।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ୩ରେ ଶ୍ରୀମନ୍ଦିର ପରିଚାଳନା କମିଟି ବୈଠକ 🔴 କମିଛି ବନ୍ୟାଜଳ, ବଢିଛି ବନ୍ୟା ବିପନ୍ନଙ୍କ ଦୁର୍ଦ୍ଦଶା 🔴 ପେଟ୍ରୋଲ ଢାଳି ଜଳିଗଲେ ଆଇନଜୀବୀ 🔴 ୩୧ରୁ ପୁଣି ବଢ଼ିବ ବର୍ଷା 🔴 ୩୦ ହାର୍ଡକୋର ମାଓବାଦୀଙ୍କ ଆତ୍ମସମର୍ପଣ 🔴 ପୁଣି ଶ୍ରୀମନ୍ଦିର ଉପରେ ଉଡ଼ିଲା ଡ୍ରୋନ୍ 🔴 ଜୁହାର୍ , ଆଜି ନୂଆଁଖାଇ ତିହାର 🔴 ଆଜି ବିରାଜିବେ ବିଘ୍ନ ବିନାଶକ 🔴 ଜମ୍ମୁ କାଶ୍ମୀରରେ ବୈଷ୍ଣୋ ଦେବୀ ଯାତ୍ରା ବେଳେ ଭୂସ୍ଖଳନ, ୩୧ ମୃତ 🔴 ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି 🔴 ୩ରେ ଶ୍ରୀମନ୍ଦିର ପରିଚାଳନା କମିଟି ବୈଠକ 🔴 କମିଛି ବନ୍ୟାଜଳ, ବଢିଛି ବନ୍ୟା ବିପନ୍ନଙ୍କ ଦୁର୍ଦ୍ଦଶା 🔴 ପେଟ୍ରୋଲ ଢାଳି ଜଳିଗଲେ ଆଇନଜୀବୀ 🔴 ୩୧ରୁ ପୁଣି ବଢ଼ିବ ବର୍ଷା 🔴 ୩୦ ହାର୍ଡକୋର ମାଓବାଦୀଙ୍କ ଆତ୍ମସମର୍ପଣ 🔴 ପୁଣି ଶ୍ରୀମନ୍ଦିର ଉପରେ ଉଡ଼ିଲା ଡ୍ରୋନ୍ 🔴 ଜୁହାର୍ , ଆଜି ନୂଆଁଖାଇ ତିହାର 🔴 ଆଜି ବିରାଜିବେ ବିଘ୍ନ ବିନାଶକ 🔴 ଜମ୍ମୁ କାଶ୍ମୀରରେ ବୈଷ୍ଣୋ ଦେବୀ ଯାତ୍ରା ବେଳେ ଭୂସ୍ଖଳନ, ୩୧ ମୃତ 🔴 ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି