ପେଟ୍ରୋଲ ପମ୍ପର ସିସିଟିଭି ଫୁଟେଜ ଯାଞ୍ଚ କରିବ କ୍ରାଇମବ୍ରାଞ୍ଚ

ବାଲେଶ୍ୱର (ବଡ଼ ଖବର ବ୍ୟୁରୋ): ସାମ୍ନାକୁ ଆସିଲା ଏଫ୍ ଏମ୍ ଛାତ୍ରୀ ଆତ୍ମହତ୍ୟା ଘଟଣାର ବଡ଼ ପ୍ରମାଣ । ବହୁ ତନାଘନା ପରେ କ୍ରାଇମବ୍ରାଞ୍ଚ ହତାରେ ଲାଗିଛି ପେଟ୍ରୋଲ ସୁରାଗ । ଘଟଣା ଦିନ ବାଲେଶ୍ୱର ତାରିଣୀ ପେଟ୍ରୋଲ ପମ୍ପରେ ଜଣେ ଯୁବତୀକୁ ଦେଇଥିଲେ ପେଟ୍ରୋଲ । ଯୁବତୀ ଜଣକ ବ୍ୟାଟାରୀ ଚାଳିତ ସ୍କୁଟିରେ ଯାଇ ପ୍ଲାଷ୍ଟିକ ବୋତଲରେ ଆଣିଥିଲେ ପେଟ୍ରୋଲ ।

ତେବେ କିଏ ସେହି ଯୁବତୀ ପେଟ୍ରୋଲ ପମ୍ପରୁ ସେଦିନ ପେଟ୍ରୋଲ ଆଣିଥିଲା ଯାହା ସ୍ପଷ୍ଟ କରିନାହିଁ କ୍ରାଇମବ୍ରାଞ୍ଚା ସେପଟେ ବାଲେଶ୍ୱର ଏଫଏମ୍ କଲେଜ ଛାତ୍ରୀଙ୍କ ମୃତ୍ୟୁ ଘଟଣାକୁ ନେଇ ତନାଘନା ଚଳାଇଛି କ୍ରାଇମବ୍ରାଞ୍ଚ ଟିମ୍ । କଲେଜ ନିକଟ ତାରିଣୀ ପେଟ୍ରୋଲ ପମ୍ପରେ ଆଜି ଦ୍ୱିତୀୟ ଦିନରେ କ୍ରାଇମବ୍ରାଞ୍ଚ ଟିମ ଯାଞ୍ଚ କରିଛି । ଆଜି କ୍ରାଇମବ୍ରାଞ୍ଚ ଟିମ୍ ପେଟ୍ରୋଲ ପମ୍ପର ସିସିଟିଭି ଫୁଟେଜ ଯାଞ୍ଚ କରିବା ସହ ସିସିଟିଭି କ୍ୟାମେରାର ହାର୍ଡଡିସ୍କକୁ ଜବତ କରିଛି ।