ମାଆକୁ ଟାଙ୍ଗିଆ ରେ ହାଣି ହତ୍ୟା କଲା ପୁଅ

ନର୍ଲା (ବଡ଼ ଖବର ବ୍ୟୁରୋ): ନିଜର ଜନ୍ମ କଲା ମାଆକୁ ଟାଙ୍ଗିଆ ରେ ହାଣି ହତ୍ୟା କଲା ପୁଅ । ଏଭଳି ଅଭାବନୀୟ ଘଟଣା ଘଟିଛି କଳାହାଣ୍ଡି ଜିଲ୍ଲା ନର୍ଲା ବ୍ଲକ୍ ଅନ୍ତର୍ଗତ ସାନଧାରପୁର୍ ଗାଁରେ। ସୂଚନା ଅନୁସାରେ ସାନଧାରପୁର୍ ଗାଁର ଭୁବନ ବିଶ୍ଵାଳ ନାମକ ୩୦ ବର୍ଷୀୟ ବ୍ୟକ୍ତି କୌଣସି କାରଣରୁ ନିଜ ମାଆ ୫୬ ବର୍ଷୀୟା କଳ୍ପନା ବିଶ୍ଵାଳଙ୍କୁ ଘର ଭିତରେ କବାଟ ବନ୍ଦ୍ କରି ଟାଙ୍ଗିଆରେ ହାଣି ହତ୍ୟା କରିଥିବା ଜଣାପଡିଛି।

ଏହି ଲୋମ ହର୍ଷଣକାରି ଘଟଣା ଗତକାଲି ଦିନ ୨ ଟା ସମୟରେ ଘଟିଥିବା ବେଳେ ଗ୍ରାମବାସୀଙ୍କ ଠାରୁ ଖବର ପାଇ ନର୍ଲା ପୋଲିସ୍ ଘଟଣା ସ୍ଥଳରେ ପହଞ୍ଚି ଥିଲେ ମଧ୍ୟ ଘର ଭିତର ପଟେ କବାଟ ବନ୍ଦ ଥିବାରୁ ଅଭିଯୁକ୍ତକୁ କାବୁ କରିବା ରେ ବିଫଳ ହୋଇଥିଲେ । ପରେ ଜିଲ୍ଲା ମୁଖ୍ୟାଳୟରୁ ରିଜର୍ଭ ପୋଲିସ୍ ଫୋର୍ସ ଆସି ଘର କବାଟ ଭାଙ୍ଗି ଅଭିଯୁକ୍ତକୁ ଧରି ମୃତ ମହିଳାଙ୍କ ଶବ ବ୍ୟବଚ୍ଛେଦ ପାଇଁ ପଠାଇ ଅଧିକ ତଦନ୍ତ ଜାରି ରଖିଛି।