ଆଜି ବସିବ ସର୍ବଦଳୀୟ ବୈଠକ ସାଙ୍ଗକୁ ବିଧାୟକ ଦଳ ବୈଠକ

ଭୁବନେଶ୍ୱର (ବଡ଼ ଖବର ବ୍ୟୁରୋ):  ଆସନ୍ତାକାଲି ଠାରୁ ବସିବାକୁ ଯାଉଛି ବିଧାନସଭାର ଶୀତ ଅଧିବେଶନ। ସେଥିପାଇଁ ପ୍ରସ୍ତୁତି ଶେଷ ପର୍ୟ୍ୟାୟରେ ପହଁଚିଛି। ପ୍ରଥମ ଥର ପାଇଁ ଓଡ଼ିଶା ବିଧାନସଭାରେ ରାଷ୍ଟ୍ରପତି ରଖିବାକୁ ଯାଉଛନ୍ତି ଅଭିଭାଷଣ । ଯାହାକୁ ଦୃଷ୍ଟିରେ ରଖି ବ୍ୟାପକ ବ୍ୟବସ୍ଥା ଆପଣା ଯାଇଛି । ବିଧାନସଭା ସୁରୁଖୁରୁରେ ଚାଲିବା ପାଇଁ ଆଜି ବାଚସ୍ପତି ଡକାଇଛନ୍ତି ସର୍ବାଦଳୀୟ ବୈଠକ। ବାଚସ୍ପତି ସୁରମା ପାଢ଼ୀଙ୍କ ଅଧ୍ୟକ୍ଷତାରେ ତାଙ୍କ ଚାମ୍ବରରେ ମଧ୍ୟାହ୍ନରେ ଅନୁଷ୍ଠିତ ହେବ ବୈଠକ । ମୁଖ୍ୟମନ୍ତ୍ରୀ, ଉପ ମୁଖ୍ୟମନ୍ତ୍ରୀ, ସଂସଦୀୟ ବ୍ୟାପାର ମନ୍ତ୍ରୀ, ଆଇନ ମନ୍ତ୍ରୀ, ସରକାରୀ ଦଳ ମୁଖ୍ୟ ସଚେତକ, ବରିଷ୍ଠ ବିଧାୟକ, ବିରୋଧୀ ଦଳ ମୁଖ୍ୟ ସଚେତକ ଓ କଂଗ୍ରେସ ବିଧାୟକ ଦଳ ନେତା ହେବେ ସାମିଲ।

ସେପଟେ ବିଧାନସଭା ରଣନୀତି ଆଜି ପ୍ରସ୍ତୁତ କରିବେ ରାଜନୈତିକ ଦଳ। ଆଜି ତିନି ପ୍ରମୁଖ ଦଳର ବସିବ ବିଧାୟକ ଦଳ ବୈଠକ। ସନ୍ଧ୍ୟା ସମୟରେ ବିଧାନସଭାରେ ବିଜେପି ବିଧାୟକ ଦଳ ବୈଠକ ବସିବାକୁ ଥିବା ବେଳେ ଶଙ୍ଖ ଭବନରେ ବିଜେଡିର ବସିବ ବିଧାୟକ ଦଳ ବୈଠକ । କଂଗ୍ରେସ ମଧ୍ୟ ନିଜ ଦଳର ବିଧାୟକଙ୍କ ସହ କରିବ ବିଚାର ବିମର୍ଷ। ବିରୋଧୀ ସରକାରଙ୍କୁ ଘେରିବା ପାଇଁ ପ୍ରସଙ୍ଗ ଏକଜୁଟ କରୁଥିବା ବେଳେ ପ୍ରତି ଉତ୍ତର ଦେବା ପାଇଁ ପ୍ରସ୍ତୁତ ହେଉଛି ଶାସକ ବିଜେପି ।