କାର ଅଟୋ ମୁହା-ମୁହିଁ ଅଟୋ, ଚାଳକ ଜୀବନ୍ତ ଦଗ୍ଧ

କନ୍ଧମାଳ (ବଡ଼ ଖବର ବ୍ୟୁରୋ): କନ୍ଧମାଳ ଜିଲ୍ଲା ଫୁଲବାଣୀ ଭେଟଖୋଲ ଘାଟି ଦାତପାଯୁ ଠାରେ କାର ଓ ଅଟୋ ମୁହାମୁହିଁ । ଘଟଣାସ୍ଥଳରେ କାର ଓ ଅଟୋ ଉଭୟ ଜଳି ଛାର ଖାର ହୋଇଯାଇଛି । କାରଟି ବୌଦ୍ଧ ପଟୁ ଆସୁଥିବା ବେଳେ ଅଟୋଟି ଫୁଲବାଣୀ ପଟୁ ଯାଉଥିବା ସୂଚନା ମିଳିଛି । ଅଟୋ ଚାଳକ ସମ୍ପୂର୍ଣ୍ଣ ଦଗ୍ଧ ହୋଇଯାଇଥିବା ଦେଖିବାକୁ ମିଳିଛି ।

କାର ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିବା ସ୍ଥାନୀୟ ଲୋକେ କହିଛନ୍ତି ଅଟୋରେ ବସିଥିବା ଅନ୍ୟ ଦୁଇଜଣ ମଧ୍ୟ ଜଳି ଯାଇଥିବା ବେଳେ ସ୍ଥାନୀୟ ଲୋକେ ଆମ୍ବୁଲାନ୍ସ ଡାକି ଫୁଲବାଣୀ ମୁଖ୍ୟ ମେଡିକାଲକୁ ପଠାଇଥିବା ବେଳେ ଦୁହିଁଙ୍କ ଅବସ୍ଥା ଗୁରୁତ୍ୱପୂର୍ଣ୍ଣ ଥିବା ସ୍ଥାନୀୟ ଲୋକେ କହିଛନ୍ତି । ଘଟଣା ସ୍ଥଳରେ ଫୁଲବାଣୀ ସଦର ପୋଲିସ ଏବଂ ଅଗ୍ନିଶମ ବିଭାଗ ପହଞ୍ଚି ନିଆଁ କୁ ଆୟତ କରିଥିବା ଦେଖିବାକୁ ମିଳିଛି ।