ମଧ୍ୟ ପ୍ରାଚ୍ୟରେ ପୁଣି ବିଗିଡିବ କି ସ୍ଥିତି ?
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଲେବାନନ୍ ଉପରେ ଇସ୍ରାଏଲ ସେନାର ଆକ୍ରମଣକୁ ବିରୋଧ କରିଛି ଇରାନ। ଏହି କାରଣରୁ ଏବେ ଇରାନ ଆମେରିକା ସହିତ ଚାଲିଥିବା ନିଜର ପରୋକ୍ଷା ଆଲୋଚନାକୁ ତୁରନ୍ତ ରୋକି ଦେଇଛି। ସମାଚାର ଏଜେନ୍ସି ତସମିନ୍ ଅନୁସାରେ, ଇସ୍ରାଏଲ ଆକ୍ରମଣ ଜାରି ରହିବା ଓ ଅସ୍ତ୍ରବିରତିର ପୂର୍ବ ସର୍ତ୍ତ ଉଲଂଘନ କରିବା କାରଣରୁ ଇରାନର ଆଲୋଚନାକାରୀ ଟିମ୍ ମଧ୍ୟସ୍ଥତା ମାଧ୍ୟମରେ ହେବାକୁ ଥିବା ସବୁ ଆଲୋଚନା ଓ ବାର୍ତ୍ତାର ଆଦାନ ପ୍ରଦାନକୁ ରୋକି ଦେଇଛନ୍ତି। ଇରାନ ସ୍ପଷ୍ଟ ଭାବରେ ଦାବି କରିଛି ଯେ, ଗାଜା ଓ ଲେବାନନ୍ରେ ଇସ୍ରାଏଲରେ ଯୁଦ୍ଧ ତୁରନ୍ତ ଶେଷ କରାଯାଉ ତଥା ଲେବାନନ୍ ଇସ୍ରାଏଲ ସୈନିକ ସମ୍ପୂର୍ଣ୍ଣ ଭାବରେ ଫେରିଯିବେ।
ଏଜେନ୍ସିର କହିବା ଅନୁସାରେ, ଯେତେବେଳେ ଇରାନ ଓ ଆଞ୍ଚଳିକ ପ୍ରତିରୋଧି ଗୋଷ୍ଠୀ ଏହି ପ୍ରସଙ୍ଗ ଉପରେ ସନ୍ତୁଷ୍ଟ ନହୁଏ, ତେବେ କୌଣସି ବାର୍ତ୍ତା ସମ୍ଭବ ନୁହେଁ। ତସମିନଙ୍କ ଅନୁସାରେ, ତେହରାନ ଓ ଏହାର ସହଯୋଗୀ ଗୋଷ୍ଠୀ ଏବେ ନିଜର ଏଜେଣ୍ଡା ହର୍ମୁଜରେ ପୁରା ବନ୍ଦ କରିବା ତଥା ଲୋହିତ ସାଗର ଦକ୍ଷିଣରେ ଥିବା ବାବ ଅଲ୍-ମନ୍ଦେବ ସହିତ ଅନ୍ୟ ମୋର୍ଚ୍ଚାକୁ ସକ୍ରିୟ କରିବାର ବିକଳ୍ପ ମଧ୍ୟ ସାମିଲ କରାଯାଇଛି।
ଏହା ପୂର୍ବରୁ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଲେବାନନ୍ର ଦକ୍ଷିଣ ଅଞ୍ଚଳରେ ହିଜବୁଲାର ନିୟନ୍ତ୍ରଣ ଥିବା ସହରକୁ ‘ଆତଙ୍କବାଦୀ ଆଡ୍ହା’ ବୋଲି ଘୋଷଣା କରି ଆକ୍ରମଣ ନିର୍ଦେଶ ଦେଇଛନ୍ତି। ସେ ଏହି କାର୍ଯ୍ୟାନୁଷ୍ଠାନକୁ ଇସ୍ରାଏଲ ନାଗରିକଙ୍କ ଉପରେ ଗୁଳିମାଡ ଓ ଆମେରିକାର ମଧ୍ୟସ୍ଥତା ଥିବା ଅସ୍ତ୍ରବିରତି ଚୁକ୍ତିର ଉଲଂଘନର ଜବାବ ବୋଲି କହିଛନ୍ତି। ୧୬ ଏପ୍ରିଲରୁ ଲେବାନନ୍ରେ ଅସ୍ତ୍ରବିରତି ଘୋଷିତ ହେବାପରେ ଇସ୍ରାଏଲ ମୁଖ୍ୟ ଭାବରେ ଦାହିୟାହ କ୍ଷେତ୍ରରେ ସୀମିତ ଆକ୍ରମଣ କରିଥିଲା, କିନ୍ତୁ ଦକ୍ଷିଣ ଲେବାନନ୍ରେ ଲଢେଇ ଲଗାତାର ଜାରି ରହିଛ।