ସୌମ୍ୟ ହତ୍ୟା ମାମଲା, ଆସିଲା ପୋଷ୍ଟମର୍ଟମ ରିର୍ପୋଟ୍

ଭୁବନେଶ୍ୱର(ବଡ଼ ଖବର ବ୍ୟୁରୋ): ସୌମ୍ୟ ହତ୍ୟା ଘଟଣା । ସାମ୍ନାକୁ ଆସିଲା ପୋଷ୍ଟମର୍ଟମ ରିପୋର୍ଟ । ମୁଣ୍ଡରେ ଗଭୀର ଆଘାତ ଯୋଗୁଁ ମୃତୁ୍ୟ ହୋଇଥିବା ରିପୋର୍ଟରେ ଉଲ୍ଲେଖ ରହିଛି । ଖାଲି ସେତିକି ନୁହେଁ ସୌମ୍ୟଙ୍କ ଶରୀରର ୨୧ଟି ସ୍ଥାନରେ ଗଭୀର ଆଘାତ ଲାଗିଥିବା ମଧ୍ୟ ଉଲ୍ଲେଖ ରହିଛି । କଠିନ ବସ୍ତୁରେ ବାରମ୍ବାର ଆକ୍ରମଣ ଯୋଗୁଁ ହୋଇଥିଲା ମୃତ୍ୟୁ । ସେପଟେ ପୂର୍ବରୁ ନିଶା ଦ୍ରବ୍ୟକୁ ନେଇ ଯେଉଁ ସନେ୍ଦହ ଉପୁଜିଥିଲା ତାକୁ ଜାଣିବା ପାଇଁ କିଛି ନମୁନା ପୁଲିସକୁ ଦିଆଯାଇଛି । ସୌମ୍ୟଙ୍କ ମୃତ୍ୟୁ ପରଠାରୁ ଜଣଙ୍କ ପରେ ଜଣେ ଅଭିଯକ୍ତକୁ ଗିରଫ କରୁଛି ପୋଲିସ । ଅଭିଯୁକ୍ତ ସଂଖ୍ୟା ୧୮କୁ ବୃଦ୍ଧି ପାଇଛି । ସେମାନଙ୍କୁ ହାଜତରେ ରଖି ପୋଲିସ ପଚରାଉଚରା ଜାରି ରଖିଛି । ଏପର୍ଯ୍ୟନ୍ତ ଅନ୍ୟ ଅଭିଯୁକ୍ତମାନେ ଫେରାର ଅଛନ୍ତି ।