ବ୍ୟବସାୟଙ୍କ ପାଇଁ ଅଣ୍ଟା ଭିଡ଼ିଲେ ନେତା

ଜଟଣୀ (ବଡ଼ ଖବର ବ୍ୟୁରୋ): ଜଟଣୀ ସୀତାରାମ ଛକରେ ଚାଲିଥିବା ଓଭର ବ୍ରିଜ ନିର୍ମାଣରେ ସ୍ଥାନୀୟ ବ୍ୟବସାୟୀଙ୍କ ଦୋକାନ ଗୃହ ଉଠାଇବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି । ତେଣୁ ଆଜି ଜଟଣୀ ବିଧାୟକ ସୁରେଶ କୁମାର ରାଉତରାୟ ବ୍ୟବସାୟୀଙ୍କ ପାଇଁ ଅଣ୍ଟା ଭିଡ଼ିଛନ୍ତି । ବ୍ୟବସାୟୀମାନଙ୍କୁ ପ୍ରଥମେ ଥଇଥାନ ଓ ପରେ ଦୋକାନ ଗୃହ ଉଚ୍ଛେଦ ପାଇଁ ବିଧାୟକ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି । ଆଗାମୀ ଦିନରେ ଯଦି ଜିଲ୍ଲାପାଳ ଓ ରାଜ୍ୟ ସରକାର ଏହା ଉପରେ କିଛି ପଦକ୍ଷେପ ନ ନିଅନ୍ତି ତାହାଲେ ଆନ୍ଦୋଳନ କରାଯିବ ବୋଲି ବିଧାୟକ ଚେତାବନୀ ଦେଇଛନ୍ତି ।