୪ ଅନ୍ତେବାସୀଙ୍କୁ ନିର୍ଘାତ ମାଡ଼, ଥାନାରେ ଅଭିଯୋଗ

ଭୁବନେଶ୍ୱର (ବଡ଼ ଖବର ବ୍ୟୁରୋ): ୪ ଅନ୍ତେବାସୀଙ୍କୁ ନିର୍ଘାତ ମାଡ଼ । ମାଡ଼ରେ ଜଣେ ଚତୁର୍ଥ ଶ୍ରେଣୀ ଛାତ୍ର ଗୁରୁତର । ହଷ୍ଟେଲର ଚାରିଜଣ ଛାତ୍ର ନ ଜଣାଇ ରଥ ଦେଖିବାକୁ ଯାଇଥିଲେ ବୋଲି ଅତି ନିର୍ଦୟ ଭାବେ ଛାତ୍ରଙ୍କୁ ପ୍ଲାଷ୍ଟିକ ପାଇପରେ ନିର୍ଘାତ ମାଡ଼ ମାରିଲେ ବିଦ୍ୟାଳୟର ଶିକ୍ଷୟିତ୍ରୀ। ଏହି ଘଟଣାକୁ ନେଇ ଥାନାରେ ଅଭିଯୋଗ କଲେ ୪ ଛାତ୍ର। ଏଭଳି ଘଟଣା ସାମ୍ନାକୁ ଆସିଛି ଉଦଳା ଗୁରୁକୁଳ ବିଦ୍ୟା ମନ୍ଦିରରୁ। ଏହି ବିଦ୍ୟାଳୟର ହଷ୍ଟେଲରେ ଥିବା ୪ ଜଣ ଛାତ୍ର ରଥ ଦେଖିବା ପାଇଁ ଯାଇଥିଲେ ବିଳମ୍ବରେ ହଷ୍ଟେଲକୁ ଫେରିବାରୁ ତାଙ୍କୁ ମାଡ଼ ମାରିଥିଲେ ଗୁରୁମା। ଏକ ପାଇପ ସାହାଯ୍ୟରେ ୪ ଜଣ ଛାତ୍ରଙ୍କୁ ନିର୍ଘାତ ମାଡ଼ ମାରିଥିଲେ । ପରେ ୪ ଛାତ୍ର ଉଦଳା ଥାନାରେ ଏହି ଘଟଣା ବାବଦରେ ଜଣାଇଥିଲେ । ସେମାନଙ୍କ ମଧ୍ୟରୁ ଜଣେ ଚତୁର୍ଥ ଶ୍ରେଣୀ ଛାତ୍ର ଗୁରୁତର ହେବାରୁ ଉଦଳା ମେଡିକାଲରେ ଭର୍ତ୍ତି କରାଯାଇଥିଲା। ଛାତ୍ର ମାନଙ୍କ ପିଠିରେ ମାଡ଼ର ଗଭୀର ଚିହ୍ନ ରହିବା ସହିତ ଛାତିରେ ମଧ୍ୟ ମାଡ଼ ହୋଇଥିଲା। ସେପଟେ ଏ ବାବଦରେ ବିଦ୍ୟାଳୟ କର୍ତୃପକ୍ଷ କୌଣସି ପ୍ରତିକ୍ରିୟା ମିଳିପାରିନାହିଁ ।