ତେଜୁଛି ଖରସ୍ରୋତା ମେଗାଜଳ ପ୍ରକଳ୍ପ ବିବାଦ

ରାଜକନିକା (ବଡ଼ ଖବର ବ୍ୟୁରୋ): ରାଜକନିକା-ଆଳିର ଜୀବନ ରେଖା କୁହାଯାଉଥିବା ଖରସ୍ରୋତା ନଦୀରେ ମେଗାଜଳ ପ୍ରକଳ୍ପକୁ ବିରୋଧ । ଆଜି କଟକ-ଚାନ୍ଦବାଲି ଜାତୀୟ ରାଜପଥର ଗଡ଼ଗଡ଼ି ସେତୁ ନିକଟରେ ହଜାର ହଜାର ଲୋକ ହାତରେ ଫ୍ଲାକାଡ୍ ଧରି ସ୍ଲୋଗାନ ଦେଇ ଏକ ମାନବ ଶୃଙ୍ଖଳ ଜରିଆରେ ରାଜ୍ୟ ସରକାରଙ୍କୁ ଖୋଲା ଚ୍ୟାଲେଞ୍ଜ କରିଛନ୍ତି । ରାଜକନିକା ଅଚ୍ୟୁତପୂର ଠାରୁ ଗଡ଼ଗଡି ସେତୁଯାଏ ରାସ୍ତାର ଦୁଇ କଡ଼ରେ ଛିଡ଼ାହୋଇ କରିଛନ୍ତି ପ୍ରତିବାଦ ।

ଏଥିସହ ଡିସେମ୍ବର ୨୨ରେ ନଦୀପଠାରେ ଏକ ବିରାଟ ଜନସମାବେଶର ଡାକରା ଦେଇଛି ଖରସ୍ରୋତା ବଞ୍ଚାଓ ସଂଗ୍ରାମ ସମିତି । ପୂର୍ବରୁ ଖରସ୍ରୋତା ନଦୀରେ ୮୭୦କୋଟି ଟଙ୍କାର ମେଗାଜଳ ପ୍ରକଳ୍ପ କରିବାକୁ ରାଜ୍ୟ ସରକାର ତତ୍ପରତା ଦେଖାଇ ରାସ୍ତା କଡରେ ପାଇପ ପକାଇ କାର୍ଯ୍ୟ ଆରମ୍ଭ କରିବାକୁ ଅଣ୍ଟା ଭିଡୁଥିବା ବେଳେ ଏହି ପ୍ରକଳ୍ପକୁ ବିରୋଧ କରୁଛନ୍ତି ଅଞ୍ଚଳବାସୀ ।