‘ବଡ଼ ଖବର’ର ପ୍ରଭାବ. କୋଭିଡ କିଟ୍ ବିକା ମହଙ୍ଗା ପଡିଲା

 ଅସ୍ତରଙ୍ଗ (ବଡ଼ ଖବର ବ୍ୟୁରୋ): ସରକାରୀ ସାମଗ୍ରୀ ବିଚ୍ ବଜାରରେ ବିକ୍ରି କରିବା ଜଣେ ସ୍ୱାସ୍ଥ୍ୟ ବିଭାଗ କର୍ମଚାରୀଙ୍କୁ ମହଙ୍ଗା ପଡିଛି । ଏହି ଖବର ପ୍ରଥମେ ‘ବଡ଼ ଖବର’ରେ ପ୍ରକାଶ ପାଇବା ପରେ ପ୍ରଶାସନର ଚୈତନ୍ୟ ଉଦୟ ହୋଇଥିଲା । ପୋଲିସ ଜଣେ ସ୍ୱାସ୍ଥ୍ୟା ବିଭାଗର କର୍ମଚାରୀଙ୍କୁ ଗିରଫ କରିବାକୁ ବାଧ୍ୟ ହୋଇଛି । ଏଭଳି ଘଟଣା ଘଟିଛି ପୁରୀ ଜିଲ୍ଲାର ରତନପୁର ଅଞ୍ଚଳରେ । ଲୋକଙ୍କୁ ମାଗଣାରେ କରୋନା ପରୀକ୍ଷା ପାଇଁ ସରକାର ଯୋଗାଇଦେଇଥିବା କୋଭିଡ ଆଣ୍ଟିଜେନ ଟେଷ୍ଟ କିଟ୍ ବଜାରରେ ବିକ୍ରି କରାଯାଉଥିଲା । ପୁରୀ ଜିଲ୍ଲା ଅସ୍ତରଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧୀନରେ ଥିବା ରତନପୁର ସ୍ୱାସ୍ଥ୍ୟାକେନ୍ଦ୍ର ଲାବ ଟେକ୍ନିସିଆନ ଜ୍ଞାନରଂଜନ ବେହେରା ଗତକାଲି କରୋନା କିଟ୍ ବିକ୍ରି କରୁଥିଲେ । ଏ ସମ୍ପର୍କରେ ଅସ୍ତରଙ୍ଗ ଥାନାରେ ଅଭିଯୋଗ ହେବାପରେ ପୋଲିସ ତଦନ୍ତ ଚଳାଇଥିଲା । ଆଜି ପୋଲିସ ଅଭିଯୁକ୍ତ ଜ୍ଞାନରଂଜନଙ୍କୁ ଗିରଫ କରିଛି । ତାଙ୍କ ବିରୋଧରେ ୪୦୮ ଦଫାରେ ଏକ ମାମଲା ରୁଜୁ ହୋଇଛି ।