ନୂଆଦିଲ୍ଲୀ (ବଡ ଖବର ବ୍ୟୁରୋ): ଲିଥିୟମ ଖଣି ମିଳିବା ପରେ ଆତଙ୍କବାଦୀଙ୍କ ନଜର । ଜମ୍ମୁ ରିୟାସୀ ଅଞ୍ଚଳରେ ଧଳା ସୁନା କୁହାଯାଉଥିବା ବିପୁଳ ଲିଥିୟମ୍ ଭଣ୍ଡାରର ସନ୍ଧାନ ମିଳିବା ପରେ ଆତଙ୍କବାଦୀ ସଙ୍ଗଠନ ସରକାରଙ୍କୁ ଦମକ ପୂର୍ଣ୍ଣ ଚିଠି ଲେଖିଛି । ପିପିଲ୍ସ ଆଣ୍ଟି ଫାସିଷ୍ଟ ଫ୍ରଣ୍ଟଣ୍ଟ ଏକ ଧମକ ଭରା ଚିଠି ଜାରି କରି ଆକ୍ରମଣ ଧମକ ଦେଇଛି । ଆତଙ୍କବାଦୀ ସଙ୍ଗଠନ କହିଛି ଯେ, ଯାହା ବି ଖଣିରେ ସାଧନ ମିଳିଛି ତାହା କେବଳ ଜମ୍ମୁ-କାଶ୍ମୀରବାସୀଙ୍କର । ଏହା ସେମାଙ୍କର ଉନ୍ନତିରେ ଲାଗିବା ଉଚିତ । ଯଦି କୌଣସି କମ୍ପାନୀ ଏହି ଖଣି ଖନନ କରେ ତେବେ ଆକ୍ରମଣ ହେବା ନିଶ୍ଚିତ । ସୂଚନା ମୁତାବକ, ଦେଶରେ ପ୍ରଥମ ଥର ପାଇଁ ଏତେ ବଡ ଲିଥିୟମ ଖଣିର ସନ୍ଧାନ ମିଳିଛି । ଜମ୍ମୁ-କାଶ୍ମୀର ରିୟାସି ଜିଲ୍ଲାରେ ସଲାଲ-ହେମାନା ଅଞ୍ଚଳରେ ୫୯ ଲକ୍ଷ ଟନରୁ ଅଧିକ ଲିଥିୟମ ଥିବା ଖଣି ମିଳିଛି ।
