https://youtu.be/rmqwjHMD9x8
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଟେଷ୍ଟରେ ଟିମ ଇଣ୍ଡିଆକୁ ଏକ ବଡ଼ ପରାଜୟର ସାମ୍ନା କରିବାକୁ ପଡିଛି। ଦକ୍ଷିଣ ଆଫ୍ରିକା ଟିମ ଇଣ୍ଡିଆକୁ ଗୋଟିଏ ଇନିଂସ ଏବଂ ୩୨ ରନରେ ପରାସ୍ତ କରିଛି। ଭାରତର ପ୍ରଥମ ପାଳି ୨୪୫ ଜବାବରେ ଘରୋଇ ଦଳ ୪୦୮ ରନ୍ କରିଥିଲା। କିନ୍ତୁ ଭାରତ ଦ୍ବିତୀୟ ପାଳିରେ ମାତ୍ର ୧୩୧ ରନ୍ରେ ଅଲଆଉଟ୍ ହୋଇଯାଇଥିଲା। ଫଳରେ ୩୧ ବର୍ଷ ପରେ ଭାରତର ଦକ୍ଷିଣ ଆଫ୍ରିକାରେ ଟେଷ୍ଟ ଶୃଙ୍ଖଳା ଜିତିବାର ସ୍ବପ୍ନ ପୁଣି ଅଧୁରା ରହିଯାଇଛି। ଦ୍ୱିତୀୟ ଟେଷ୍ଟ୍ ଜାନୁଆରି ୩ ତାରିଖରୁ କେପ୍ ଟାଉନ୍ରେ ଖେଳାଯିବ। ପରାଜୟରେ ବର୍ଷ ଶେଷ କରିଥିବା ଭାରତୀୟ କ୍ରିକେଟ୍ ଦଳ ନୂଆ ବର୍ଷ ଆରମ୍ଭରୁ କିଭଳି ପ୍ରଦର୍ଶନ ଦେଉଛି ତାହାକୁ ଦେଖିବାକୁ ହେବ।
ସେପଟେ ଏହି ପରାଜୟ ପରେ ଭାରତୀୟ ଦଳ ବିଶ୍ୱ ଟେଷ୍ଟ ଚାମ୍ପିଅନଶିପ ପଏଣ୍ଟ ଟେବୁଲରେ ଆଉ ଏକ ବଡ଼ ଝଟ୍କା ଲାଗିଛି। ଏଥି ସହିତ ବିଜୟ ପରେ ଦକ୍ଷିଣ ଆଫ୍ରିକା ଦଳ ବିଶ୍ୱ ଟେଷ୍ଟ ଚାମ୍ପିଅନଶିପ ପଏଣ୍ଟ ଟେବୁଲରେ ଶୀର୍ଷରେ ରହିଛି। ଦକ୍ଷିଣ ଆଫ୍ରିକା ପରେ ପାକିସ୍ତାନ ଦ୍ୱିତୀୟ ସ୍ଥାନରେ ଅଛି, କିନ୍ତୁ ଅଷ୍ଟ୍ରେଲିଆ ବିପକ୍ଷ ମେଲବୋର୍ନ ଟେଷ୍ଟରେ ପାକିସ୍ତାନୀ ଦଳର ଅବସ୍ଥା ଭଲ ନୁହେଁ। ଯଦି ମେଲବୋର୍ନରେ ଅଷ୍ଟ୍ରେଲିଆ ବିପକ୍ଷରେ ପାକିସ୍ତାନ ଦଳ ପରାଜୟର ସମ୍ମୁଖୀନ ହୁଏ, ତେବେ ନିଶ୍ଚିତ ଯେ ପାକିସ୍ତାନ ବିଶ୍ୱ ଟେଷ୍ଟ ଚାମ୍ପିଅନଶିପ ପଏଣ୍ଟ ଟେବୁଲରେ ଖସିଯିବ।
