ଡିକି ଭାଙ୍ଗି ଲୁଟିନେଲେ

ଛେଣ୍ଡିପଦା (ବଡ଼ ଖବର ବ୍ୟୁରୋ): ବାଇକର ଡିକି ଭାଙ୍ଗି ଲୁଟିନେଲେ ଅଢ଼େଇ ଲକ୍ଷ ଟଙ୍କା । ଅନୁଗୁଳ ଜିଲ୍ଲା ଛେଣ୍ଡିପଦା ଥାନା କୋଶଳାରେ ଘଟିଛି ଏଭଳି ଅଭାବନୀୟ ଘଟଣା । ଅବସରପ୍ରାପ୍ତ ଶିକ୍ଷକ ଜଳନ୍ଧର ପ୍ରଧାନଙ୍କ ବାଇକ ଡିକି ଭାଙ୍ଗି ଲୁଟେରାମାନେ ଫେରାର ହୋଇଯାଇଛନ୍ତି । ଛେଣ୍ଡିପଦା ପୋଲିସର ତଦନ୍ତ ଜାରି ।

ଶୁକ୍ରବାର ଅପରାହ୍ନରେ ବ୍ୟାଙ୍କରୁ ଟଙ୍କା ଉଠାଇଥିଲେ ଜଳନ୍ଧର । ବନ୍ଧୁଙ୍କୁ କିଛି ଟଙ୍କା ଦେବା ଲାଗି କୋଶଳା ବଜାରରେ ଗାଡି ରଖି ତାଙ୍କ ଘରକୁ ଯାଇଥିଲେ । ବନ୍ଧୁ ନ ଥିବା ଯୋଗୁଁ ସଙ୍ଗେ ସଙ୍ଗେ ସେ ଗାଡି ପାଖକୁ ଫେରି ଆସିଥିଲେ । ଆସି ଦେଖିଲା ବେଳକୁ ଗାଡ଼ି ଡିକି ଭାଙ୍ଗି କେହି ଟଙ୍କା ଲୁଟି ନେଇଥିଲା । ଏନେଇ ଥାନାରେ ଅଭିଯୋଗ କରିବା ପରେ ତଦନ୍ତ ଜାରି ରଖିଛି ପୋଲିସ । ଜନ ଗହଳିପୂର୍ଣ୍ଣ ସ୍ଥାନରୁ ଟଙ୍କା ଲୁଟକୁ ନେଇ ପୋଲିସର କାର୍ଯଦକ୍ଷତା ଉପରେ ପ୍ରଶ୍ନ ଉଠାଇଛନ୍ତି ଲୋକେ ।