(ବଡ଼ ଖବର ବ୍ୟୁରୋ): ଇତିହାସରେ ପ୍ରଥମ । ମହାକାଶରେ ହେଉଥିବା ପ୍ରଥମ ଫିଲ୍ମ ‘ଦ ଚ୍ୟାଲେଞ୍ଜ’ର ଶୁଟିଂ ରବିବାର ଶେଷ ହୋଇଛି। ଏହି ଫିଲ୍ମର ଶୁଟିଂ ପାଇଁ କଳାକାରମାନେ ମହାକାଶକୁ ୧୨ ଦିନ ଯାତ୍ରା କରିଥିଲେ। ସୋୟୁଜ ଏମଏସ-୧୮ଯାନରେ ସେମାନେ ମହାକାଶରୁ ସୁରକ୍ଷିତ ଭାବରେ ଫେରି ଆସିଛନ୍ତି।ଏ ନେଇ ଟ୍ବିଟ୍ କରି ସୂଚନା ଦେଇଛନ୍ତି ଋଷିଆନ ସ୍ପେସ୍ ଏଜେନ୍ସି। ଶୁଟିଂ ପାଇଁ ୩୭ ବର୍ଷୀୟା ଅଭିନେତ୍ରୀ ୟୁଲିଆ ପେରେସିଲ୍ଡ୍ ଓ ୩୮ ବର୍ଷୀୟ ନିର୍ଦ୍ଦେଶକ କ୍ଲିମ୍ ଶିପେଙ୍କୋ ରକେଟ୍ ଯୋଗେ ମହାକାଶ ଯାତ୍ରା କରିଥିଲେ। ସେମାନଙ୍କ ଅବତରଣ ସମୟର ଭିଜୁଆଲ ମଧ୍ୟ ଏହି ଫିଲ୍ମରେ ସ୍ଥାନ ପାଇବ।
