ଗାଁକୁ ଆସିପାରିଲାନି ଆମ୍ବୁଲାନ୍ସ

ସୁବର୍ଣ୍ଣପୁର (ବଡ଼ ଖବର ବ୍ୟୁରୋ): ରାସ୍ତା ଖରାପ ଯୋଗୁଁ ଗାଁକୁ ଆସିପାରିଲାନି ଆମ୍ବୁଲାନ୍ସ । ପ୍ରସବ ବେଦନା ଭିତରେ ଏକ କିଲୋମିଟର ଚାଲିଲେ ଗର୍ଭବତୀ । ଏପରି ଏକ ଦୁଃଖଦ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ବଘିଆ ପଂଚାୟତ ବଡ଼ମାଳ ଗାଁରେ । ଗାଁର କାଁହୁ କୁମ୍ଭାରଙ୍କ ସ୍ତ୍ରୀ ବାସନ୍ତୀ କୁମ୍ଭାରକୁ ପ୍ରସବ ବେଦନା ହେବାରୁ ଆମ୍ବୁଲାନ୍ସକୁ ଖବର ଦେଇଥିଲେ । କିନ୍ତୁ ଏକ କିଲୋମିଟର ଦୂର ନନ୍ଦପାଳି ଗାଁରେ ହିଁ ରହିଯାଇଥିଲା ଆମ୍ବୁଲାନ୍ସ । ରାସ୍ତା ଖରାପ ଯୋଗୁଁ ଆଗକୁ ଯାଇ ପାରିନଥିଲା ଆମ୍ବୁଲାନ୍ସ । ବାଧ୍ୟହୋଇ ତାଙ୍କୁ ଏକ କିଲୋମିଟର ଚଳାଇ ନେଇ ଥିଲେ ତାଙ୍କ ପରିବାର ଲୋକେ । ଏଭଳି ଦୁଃଖଦ ଘଟଣାକୁ ନେଇ ଅଂଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।