ବିଜେପି ସରକାର ହେଲେ ରତ୍ନଭଣ୍ଡାର ଲୁଟେରାଙ୍କୁ ସଜା ଦେବୁ: ଅମିତ ଶାହ
ଢେଙ୍କାନାଳ (ବଡ଼ ଖବର ବ୍ୟୁରୋ): ଢେଙ୍କାନାଳ ପରଜଙ୍ଗ ସଭାରେ ଅମିତ ଶାହଙ୍କ ଅଭିଭାଷଣ । କହିଲେ ଏଥର ଓଡ଼ିଶାରେ ବିଜେପିର ରାଜ୍ୟ ସରକାର ହେବାକୁ ଯାଉଛି । ସାରା ଦେଶ ମୋଦିଙ୍କୁ ତୃତୀୟ ଥର ପ୍ରଧାନମନ୍ତ୍ରୀ କରିବାକୁ ପ୍ରସ୍ତୁତ । ଓଡ଼ିଶାରେ କୌଣସି ତାମିଲ ବାବୁ ଶାସନ କରିପାରିବେ ନାହିଁ । ଆମ ସରକାର ହେଲେ ରତ୍ନଭଣ୍ଡାର ଲୁଟେରାଙ୍କୁ ସଜା ଦେବୁ ।
ଆଜି ଓଡ଼ିଶାର ଯୁବବର୍ଗ ଗୁଜରାଟ, ହରିୟାଣା ଚାକିରି ପାଇଁ ଯାଉଛନ୍ତି । ୫ ବର୍ଷ ମୋଦିଙ୍କୁ ଦିଅନ୍ତୁ, ଓଡ଼ିଶାରେ ଚାକିରି ଦେବା ବ୍ୟବସ୍ଥା କରିବୁ । ନବୀନଙ୍କୁ ରିଟାୟାର୍ଡ କର, ଓଡ଼ିଶାରେ ଆୟୁଷ୍ମାନ ଭାରତ ଲାଗୁ ହେବ । ନବୀନ ବାବୁ ବୁଢ଼ା ହୋଇଗଲେଣି, ତାଙ୍କୁ ରିଟାୟାର୍ଡ କରନ୍ତୁ । ବର୍ଷକରେ ୧ ଲକ୍ଷ ୫୦ ହଜାର ଯୁବବର୍ଗଙ୍କୁ ଚାକିରି ଦେବୁ ।